აშშ-ში, პოლიციამ ფლორიდის მოქალაქეებს მოუწოდებს ქარიშხალ „ირმასთან“ საბრძოლველად არ გავიდნენ. ფლორიდის მოქალაქემ Facebook-ზე შექმნა მოწოდების გვერდი, რომ ქარიშხალი „მოეკლათ“. ამ გვერდს 26 ათასი მიმდევარი ჰყავს და კიდევ 58 ათასი დაინტერესებულია. როგორც თავად იდეის ავტორი, 22 წლის რიონ ედვარდსი ამბობს, მან ასეთი ღონისძიების დაგეგმვა სტრესისა და მოწყენილობის გამო გადაწყვიტა, თუმცა მხარდამჭერების რაოდენობამ ის გააკვირვა.

Facebook მოწოდება შემდეგი შინაარსის იყო: „ეს ქარიშხალი ირმა, როგორც ამბობენ ჩვენსკენ მოდის. მოდით ვაჩვენოთ, რომ ჩვენ პირველები ვისვრით.“

ღონოსძიება 10 სექტემბერს არის დაგეგმილი. ედვარდსის თქმით, ის ვერასოდეს წარმოიდგენდა, რომ ეს „შეშლილი იდეა“ ვინმეს მოეწონებოდა. „გარკვეულწილად ამას მე ვეღარ ვაკონტროლებ.“- დასძინა იდეის ავტორმა.

The Telegraph-ის ცნობით, Facebook-ზე კიდევ რამდენიმე ასეთი ღონისძიება დაიგეგმა. პოლიცია მოსახლეობას მოუწოდებს, სტიქიასთან ასეთი ფორმით გამკლავებას არ შეეცადნონ.

„განვმარტავთ – არ ესროლოთ „ირმას“. თქვენ მას უკან დახევას ვერ აიძულებთ, მაგრამ ძალიან საშიშ გვერდით მოვლენებს გამოიწვევთ,“- ნათქვამია პოლიციის განცხადებაში, რომელიც Twitter-ზე გავრცელდა.

აშშ-ში სტიქიის ზონად გამოცხადებულია ფლორიდა, ჯორჯია, ალაბამა, ტენესი და მისისიპი. ქარიშხალი ამ შტატებს უახლოეს სამ დღეში დაატყდება თავს.

აშშ-ის სტიქიასთან ბრძოლის ეროვნული ცენტრის ინფორმაციით, ფლორიდის სანაპიროსთან მიახლოებისას „ირმა“ გაძლიერდა და მესამედან ისევ მეოთხე კატეგორიაში გადავიდა. Reuters-ის ცნობით, ამ დროისთვის ქარიშხალი ფლორიდის ქალაქ კი-იესტიდან სამხერთ-აღმოსავლეთით 115 კილომეტრშია. ქარის მაქსიმალური სიჩქარე საათში 210 კილომეტრია.

ქარიშხლის გამო, კუბას კუნძულზე წყალდიდობაა. ფლორიდის შტატიდან 5 მილიონზე მეტი ადამიანის ევაკუაცია განხორციელდა. ბოლო მონაცემებით, სტიქიას კარიბის აუზის კუნძულებზე 24 ადამიანის სიცოცხლე ემსხვერპლა.

თავდაპირველად აშშ-ის საგანგებო სამსახურმა „ირმას“ უმაღლესი მეხუთე კატეგორია მიანიჭა.

სპეციალისტების თქმით, „ირმა“  ქარიშხალ „ჰარვიზე” ძლიერია, რომელიც აშშ-ის 26 აგვისტოს დაატყდა თავს და 70-ზე მეტი ადამიანის სიცოცხლე იმსხვერპლა.

imedinews.ge

დატოვეთ კომენტარი

კომენტარები

Загрузка...