დღეს ფიფას ახალი რეიტინგი გამოქვეყნდა. პირველ ადგილზე გერმანია გადავიდა, ხოლო ბრაზილია და არგენტინა თითო საფეხურით დაქვეითდნენ და შესაბამისად, მე-2 და მე-3 ადგილები დაიკავეს. პორტუგალია, შვეიცარია და პოლონეთი 4 ადგილით დაწინაურდნენ და მე-4, მე-5 და მე-6 პოზიციებს იკავებენ. ათეულიდან გავარდა ესპანეთის ნაკრები და ამჟამად მე-11 ადგილზეა.

საქართველოს ნაკრები 10 პოზიციით დაწინაურდა და ამჟამად 290 ქულით 112-ე ადგილზეა.

“ჯვაროსნებმა” ივნისში ორი მატჩი ჩაატარა. 8 ივნისს ვლადიმირ ვაისის ფეხბურთელებმა მიხეილ მესხის სახელობის სტადიონზე ამხანაგური შეხვედრა  ნევისის ნაკრებთან გამართეს და ანგარიშით 3:0 დაამარცხეს. 12 ივნისს კი საქართველოს ნაკრებმა მოლდოვასთან სტუმრად მსოფლიოს 2018 წლის ჩემპიონატის შესარჩევი ეტაპის მატჩი ჩაატარა, რომელიც ფრედ 2:2 დასრულდა.

დატოვეთ კომენტარი

კომენტარები

Загрузка...