სალომე მახათელაშვილი- სეუს ჟურნალისტიკის ფაკულტეტის სტუდენტია, თუმცა ამჟამად დროებით არ სწავლობს. იგი ცდილობს, რომ მაქსიმალურად დაეუფლოს თავის საყვარელ საქმიანობას და შეიქმნას წარმატებული კარიერა.

  • როგორც ვიცი, ბავშვობიდან გაქვთ მუსიკასთან შეხება,მომიყევით, როგორ დაიწყო თქვენი და მუსიკის ურთიერთობა
  • -დიახ, ბავშვობიდან, რომ იტყვიან მუცლადყოფნიდან ვმღერი,დედა მუსიკოსი და მგალობელია,ამიტომ გასაკვირი არცაა,რომ მუსიკალური ნიჭი აღმომაჩნდა და მითუმეტეს, ჩემი დიდი ბაბუა იყო ცნობილი ლოტბარი, ფირუზ მახათელაშვილი.
  • -უშუალოდ რომელ ინსტრუმენტებს დაეუფლეთ?
  • -თავიდან ფორტეპიანოზე, ვიოლინოზე, შემდეგ კი კლასიკურ ვოკალზე გავაგრძელე სწავლა ნიჭიერთა ათწლედში, ამ პერიოდში ასევე ჩავაბარე თელავის დრამის სტუდიაში.ასევე ჩავაბარე ბათუმის ხელოვნების უნივერსიტეტში, მუსიკის ფაკულტეტზე კლასიკური ვოკალის განხრით,სადაც ვიღებ მონაწილეობას საოპერო დადგმებში.
  • გაგრძელდა თუ არა თქვენი ურთიერთობა მუსიკასთან ბავშვობის შემდეგ?
  • -რა თქმა უნდა, ჩემი საქმიანობა გავაგრძელე სეუს თეატრალურ დასში და ვითამაშე სპექტაკლში „ბერნარდა ალბას სახლი“ , სადაც შევასრულე ორი როლი, ერთ-ერთი მისი დის და ბებიის.
  • -იყო თუ არა წარმატებები თქვენს საქმიანობაში და რომელ წარმატებას გამოყოფდით?
  • -ერთ-ერთი ჩემი პირველი წარმატება გახლდათ ის, რომ რუსთაველის თეატრის რეჟისორმა, ლევან ხვიჭიამ დამამტკიცა სპექტაკლში „ალისას საახალწლო სიზმარი“ სადაც ვითამაშე მთავარი როლი.ზუსტად აქ მივხვდი,რომ ვიცოდი რაც უნდა მეკეთებინა ცხოვრებაში.შეიძლება ითქვას, რომ მოვიწამლე თეატრის სცენის მტვერით.შემდეგ იყო ყველაზე დიდი წარმატება და შეიძლება ითქვას ოცნების ასრულება,როცა ჩვედი ვენაში და შონბრუნის სასახლის სცენაზე შევასრულე არია.
  • ხომ არ გამოარჩევდით ყველაზე ნაყოფიელ და დატვირთულ წელს?
  • -ჩემთვის ასეთი იყო 2017 წელი, რადგან ვიყავი გასტროლზე თურქეთში და ჩემთვის დაუვიწყარ დღედ დარჩება 19 ნოემბერი, როცა პირველი სოლო კონცერტი მქონდა წინანდლის ალექსანდრე ჭავჭავაძის სახლ-მუზეუმში.
  • გყავთ თუ არა გამორჩეული ადამიანები თქვენს სფეროში?
  • -რა თქმა უნდა, ჩემთვის უსაყვარლესი ანნა მოფო, პავაროტი და ანიტა რაჭველიშვილი.
  • გარდა მუსიკისა, რას საქმიანობთ?
  • -ვსწავლობ სეუში, ჟურნალისტიკის ფაკულტეტზე, და ეს საქმიანობაც ძალიან ახლოს დგას ჩემთან.ასევე ვცეკვავდი სამეჯლისო ცეკვებს, თუმცა ამჟამად მხოლოდ მუსიკით ვარ დაკავებული.ვფიქრობ, რომ ის უნდა ვაკეთო, რაც ყველაზე დიდ ბედნიერებას მანიჭებს.
  • -თვლით თუ არა, რომ მიაღწიეთ მიზნებს და მუსიკამ მოგიტანათ წარმატება?
  • -დიახ, ვთვლი, რომ ჩემი წარმატებები მნიშვნელოვანია, თუმცა წინ კიდევ ბევრი გეგმა და მიზანი მაქვს.
  • -მადლობას გიხდით და დიდ წარმატებებს გისურვებთ.

ავტორი: მაგდალენა ბალიაშვილი

დატოვეთ კომენტარი

კომენტარები

Загрузка...