2017 წელს ვადა ეწურება ფინანსურ სამყაროში ერთ-ერთ ყველაზე ცნობილ სანაძლეოს, რომელიც ამერიკელმა მილიარდერმა უორენ ბაფეტმა კომპანია Protégé Partners-ის პროფესიონალ ინვესტორებთან დადო.

“2005 წლის Berkshire-ის წლიურ ანგარიშში მე ვამტკიცებდი, რომ ინვესტიციების აქტიური მართვა პროფესიონალების მიერ დროის გარკვეულ პერიოდში ნაკლებად მომგებიანი იქნება, გაცილებით ეფექტიანი იქნება ამ საქმეში მოყვარულების მონაწილეობა, რომლებიც არაფერს აკეთებენ”, – წერდა ბაფეტი 2016 წელს კომპანია Berkshire Hathaway Inc-ის აქციონერებისათვის გაგზავნილ წერილში.

ათი წლის წინ უორენ ბაფეტმა ჰეჯ-ფონდებთან მომუშავე ნებისმიერ ინვესტორს ამ თემაზე სანაძლეო შესთავაზა. მას Protégé Partners-ის ხელმძღვანელი ტედ საიდესი გამოეხმაურა. საბოლოო ჯამში მათ მთლიანობაში 330 ათასი დოლარი ჩადეს – ბაფეტმა S&P 500 ინდექსზე დაფუძნებულ საინდექსო ფონდ Vanguard 500-ში, ხოლო Protégé Partners-მა – ხუთ ფონდში, რომლებიც მთლიანობაში ინვესტიციებს 100 ჰეჯ-ფონდში ახორციელბდნენ, რომლებსაც პროფესიონალები მართავდნენ. წაგებულმა ქველმოქმედებისთვის მილიონი დოლარი უნდა გაიღოს.

2016 წელს უორენ ბაფეტი წერდა, რომ იგებს, რადგან 9 წლის შედეგების მიხედვით, საინდექსო ფონდში მოგებამ 85%-ს გადააჭარბა, მაშინ როდესაც ხუთი “ფონდის ფონდების” მოგება დაახლოებით 22% იყო. 2017 წლის მაისში ტედ საიდესმა დამარცხება აღიარა.

დავის ოფიციალური საბოლოო შედეგები ცნობილი დღეს გახდება, მაგრამ ბაფეტის გამარჯვება, დიდი ალბათობით, კიდევ უფრო შთამბეჭდავია ვიდრე 2016 წელს იყო: 2017 წელს S&P 500 თითქმის 20%-ით გაიზარდა და ისტორიული მაქსიმუმი განაახლა. დონალდ ტრამპის პრეზიდენტობამ საფონდო ბაზარი ძალიან გააცოცხლა – მან აამოქმედასაგადასახადო რეფორმა, რომელიც მისი თქმით, მსხვილი კომპანიების ფინანსურ მდგომარეობას გააუმჯობესებს. 10 წლის განმავლობაში S&P 500 ინდექსი 80%-ით გაიზარდა.

დავის დასრულების ფონზე, ბაფეტმა კიდევ ერთი თამამი პროგნოზი გააკეთა, თუმცა გამართლდება თუ არა ის, 87 წლის მილიარდერი სავარაუდოდ, ვერ გაიგებს. მისი თქმით, Dow Jones-ის ინდექსი მომდევნო ასი წლის განმავლობაში მილიონ პუნქტს მიაღწევს, ანუ 40-ჯერ გაიზრდება. CNN აღნიშნავს, რომ ასი წლის წინ ინდექსი დაახლოებით 300-ჯერ ნაკლები იყო (81 პუნქტი).

S&P 500 ინდექსი – ერთ-ერთი ყველაზე პოპულარულია ამერიკულ აქციებში ინვესტირებისთვის. ის კაპიტალიზაციით 500 უმსხვილესი ამერიკული კომპანიისფასიან ქაღალდებს აერთიანებს.

ჰეჯ-ფონდი – ფონდია, რომელსაც მართავენ პროფესიონალები ბაზარზე მოგების მაქსიმიზაციისათვის. არსებობს მრავალნაირი ჰეჯ-ფონდი – ზოგიერთი უფრო სარისკო ინვესტიციებს ახორციელებს, ზოგიც – უფრო კონსერვატიულს. ჰეჯ-ფონდებში ინვესტირებით მოგება გარანტირებული არ არის.

Imedinews.ge

დატოვეთ კომენტარი

კომენტარები

Загрузка...