Bloomberg Billionaires Index–ის რეიტინგის თანახმად, აშშ–ის ბაზარზე ფასიანი ქაღალდების კურსების მკვეთრი ვარდნის გამო, მსოფლიოს უმდიდრესი 500 ადამიანი ერთ დღეში $114 მლრდ–ით გაღარიბდა.

გადასახადების შემცირებით გამოწვეული ოპტიმიზმი, რასაც ამერიკულ ბაზრებზე იანვარში მკვეთრი ზრდა მოჰყვა, ინფლაციის მოლოდინებით განეიტრალდა, განმართავენ Bloomberg–ის მიმომხილველები.

ყველაზე მეტად საინვესტიციო კომპანია Berkshire Hathaway–ის დამფუძნებელი და ხელმძღვანელი უორენ ბაფეტი დაზარალდა. მისი კაპიტალი, რომელიც Bloomberg–ის მონაცემებით, მოცულობით მსოფლიოში მესამე ადგილზეა, 5 თებერვალს $5,1 მლრდ–ით შემცირდა, რის შემდეგაც, Bloomberg Billionaires Index–ის თანახმად, ბაფეტის კაპიტალი $85 მლრდს შეადგენს.

გარდა ამისა, საბანკო კომპანია Wells Fargo & Co.–ს ფასი, რომლის უმსხვილესი აქციონერიც იგივე უორენ ბაფეტის კომპანიაა, დღე–ღამეში 9,2%–ით შემცირდა.

Bloomberg–ის ინფორმაციით, ერთ დღეში $1 მლრდ–ზე მეტი კიდევ 17–მა მილიარდერმა დაკარგა, მათ შორის მარკ ცუკერბერგმა, Facebook-ის დამფუძნებელმა. მისი ქონება 5 თებერვალს $3,6 მლრდ–ით შემცირდა და დღეს $74,7 მლრდ–ს შეადგენს.

ზარალს ვერ დააღწია თავი მსოფლიოს უმდიდრესმა ადამიანმა, Amazon–ის დამფუძნებელმა ჯეფ ბეზოსმა, რომლის კაპიტალიც $3,3 მლრდ–ით შემცირდა $116,4 მლრდ–მდე. დაზარალებულთა სიას Google-ის თანადამფუძნებლებილარი პეიჯი და სერგეი ბრინი აგრძელებენ – თითოეულმა „შავ ორშაბათს“ $2,3 მლრდ დაკარგა.

ტოკიოს საფონდო ბირჟის საკვანძო ინდექსი Nikkei სამშაბათის ვაჭრობაზე 4,73%-ით დავარდა და 21 610 პუნქტზე დაფიქსირდა.

Nikkei–ს ვარდნას წინ უძღოდა ამერიკული ინდექსის Dow Jones 1175 პუნქტით – 4,6%–იანი კლება.

m2b.ge

დატოვეთ კომენტარი

კომენტარები

Загрузка...