„შეგინის“ გამშვებ პუნქტზე უცნობმა პირებმა ჩხუბი მოაწყვეს ეროვნული პოლიციის თანამშრომლებთან და მესაზღვრეებთან და ხელი შეუწყვეს სახელმწიფო საზღვრის არაკანონიერ გარღვევას, – ამის შესახებ უკრაინის სახელმწიფო სასაზღვრო სამსახურში განაცხადეს.

მათივე ინფორმაციით, ინციდენტის დროს რამდენიმე სამართალდამცავი დაშავდა. „დაახლოებით 20:00 საათზე აგრესიულად განწყობილმა მოქალაქეების ჯგუფმა „შეგინის“ გამშვები პუნქტის შლაგბაუმთან ჩხუბი მოაწყო პოლიციელებსა და მესაზღვრეებთან, შეიჭრა გამშვებ პუნქტში, დაარღვია უკრაინის სახელმწიფო საზღვარი და ხელი შეუწყი პირთა ჯგუფს სახელმწიფო საზღვრის არაკანონიერად გარღვევაში, რომელთა შორის უკრაინის დეპუტატები იყვნენ“, – განაცხადეს უწყებაში.

ოდესის ექს გუბერნატორი მიხეილ სააკაშვილი ათეულობით მხარდამჭერთან ერთად პოლონეთიდან უკრაინის საზღვარზე მივიდა. უკრაინის მხარეს შეკრებილმა მომხრეებმა მესაზღვრეთა კორდონი გაარღვიეს. ამის შემდეგ სააკაშვილი მხარდამჭერებთან ერთად უკრაინის ტერიტორიაზე გადავიდა და ამ წუთებში ლვოვის მიმართულებით მიემგზავრება.

ipn.ge

დატოვეთ კომენტარი

კომენტარები

Загрузка...