მარტივი რეცეპტი ინგლისური მაფინების მოსამზადებლად. შუაზე გაჭრილი მაფინის შიგთავსად შეგიძლიათ გამოიყენოთ ყველი და სოსისი ან ნებისმიერი ბოსტნეული, არჩევანი თქვენზეა.

ინგლისური მაფინები

რეცეპტის ინგრედიენტები:

  • 115 გრამი პურის ფქვილი
  • 75 გრამი ახალი რძე
  • 8.5 გრამი კარაქი
  • 5 გრამი შაქარი
  • ¼ სუფრის კოვზი გრანულირებული საფუარი
  • 17 გრამი კვერცხი

~ მომზადები წესი ~

1. აურიეთ ყველა ინგრედიენტი ერთმანეთში და მოზილეთ. ცომი არის რბილი და შესაბამისად, შესაძლებელია დაგჭირდეთ მიქსერი მის მოსაზელად.
დატოვეთ ცომი ასაფუებლად საათ-ნახევარი ან სანამ გაორმაგდება მისი ზომა.

2. გამოსაცხობ ტაფას კარგად მოაფრქვიეთ სმინდის ფქვილი.
გაყავით ცომი სამ ნაწილად და თითოეულ მათგანს მიეცით მრგვალი ფორმა. გამოიყენეთ ხელის გული მათ გასაბრტყელებლად.
მოათავსეთ ცომი ტაფაში და აცადეთ ამოვიდეს მომდევნო საათ-ნახევრის მანძილზე.

3. დადგით ტაფა საშუალო ცეცხლზე და აცხვეთ მაფინები 15 წუთი, ორივე მხარეს. თუ მაფინები შიგნით გამოცხობამდე შეყავისფერდება გარედან, შეაწყეთ 180°C-ზე გაცხელებულ ღუმელში  მომდევნო 10 წუთის მანძილზე.

წყარო kulinaria.ge

დატოვეთ კომენტარი

კომენტარები

Загрузка...