”მერსედესის” აქტუალური ”E-კლასი” 2016 წლის აპრილიდან იწარმოება. შტუტგარტელებმა თავიანთ ბესტსელერს “ჭკუა” მოუმატეს.

ეს უფრო სწრაფი ”აფდეითია”, ვიდრე ფეისლიფტი, მაგრამ მაინც: ”მერსედესის” ”E-კლასი”, რომლის უახლესი თაობის მოდელი 2016 წლის აპრილიდან იწარმოება, კიდევ უფრო დაჭკვიანდა. ეს არის W213-ის პირველი სერიოზული მოდერნიზება.

მთავარი სიახლე ხმოვანი ბრძანებების ფუნქციის დახვეწაა. ამიერიდან ხმოვანი ბრძანებით არა მარტო გასართობ-საინფორმაციო სისტემის ფუნქციებს მართავთ, არამედ უკვე ავტომობილის რამდენიმე ფუნქციასაც.

Auto Bild

ე.წ. Linguatronic-ის მეშვეობით უკვე შესაძლებელია კლიმატკონტროლის, ჰაერის დაბერვის სიმძლავრის, ტემპერატურის, სავარძლების გათბობის და თუნდაც უკანა მინის გათბობის ჩართვა, გამორთვა და რეგულირება. გარდა ამისა, მძღოლს შეუძლია, ხმოვანი ბრძანებით დაარეგულიროს კომფორტისა და განათების ფუნქციებიც.

იმისათვის, რომ ”E-კლასმა” ხმოვანი ბრძანებები შეასრულოს, ინტერნეტი არ არის საჭირო. სისტემას 450-მდე ბრძანება აქვს დამახსოვრებული. მაგალითად: ”Massier mich – გამიკეთე მასაჟი”, ”Ruf … an – დაურეკე…” და ა.შ.

autobild.ge

დატოვეთ კომენტარი

კომენტარები

Загрузка...