ტყიბულში რამდენიმე მუშაა დაღუპული. ინფორმაციას პროფკავშირები ავრცელებს და დეტალები ზუსტდება.

როგორც მეტალურგიული და სამთო მრეწველობის მუშაკთა პროფკავშირების ხელმძღვანელმა თამაზ დოლაბერიძემ Imedinews-თან განაცხადა დაღუპულია 6 ადამიანი, ხოლო 3 დაშავდა. მისივე ინფორმაციით, სავარაუდოდ, სამთო დატყმის შედეგად წარმოშობილი ჰაერის მასამ გამოიწვია ინციდენტი.

ინციდენტი დილით დაახლოებით 4 საათზე მინდელის შახტაში მოხდა.

ბოლოს ტყიბულში ერთი მუშა 27 ოქტომბერს დაიღუპა. წინასწარი ვერსიით, უბედური შემთხვევის მიზეზი სამთო მასის ჩამოშლა გახდა.

შსს-მ გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.

დატოვეთ კომენტარი

კომენტარები

Загрузка...