ჩინელი სტუდენტი შეეცადა შეყვარებული სანთლებიანი ტორტით და საზამთროებით დაებრუნებინა. ამბავი The South China Morning Post-მა Dahe Daily-ზე დაყრდნობით გამოაქვეყნა.

სტუდენტმა ქალაქ ჩჟენჟოუდან მეგობარს საზამთროების ფურგონით წამოღება სთხოვა. ამის შემდეგ მან ისინი კამპუსის სპორტულ მოედანზე გაშალა. გვერდით სანთლებანთებული ტორტიც დადო. გარს შემოკრებილ მაყურებლებს ბიჭმა აუხსნა, რომ დაშორდა გოგოს და ახლა ურთიერთობის აღდგენას ცდილობდა. მან დაურეკა კიდეც ყოფილ შეყვარებულს, მაგრამ ის არ მოვიდა. სამაგიეროდ, 10 წუთში დაცვა მივიდა და ხალხს დაშლა მოთხოვა. ბიჭის მეგობარმა კი საზამთროები შეკრებილებს გაუნაწილა.

სტატიაში არ არის ნათქვამი, თუ რატომ ეგონა ბიჭს, რომ ამ ხერხით შემოირიგებდა ყოფილ შეყვარებულს.

დატოვეთ კომენტარი

კომენტარები

Загрузка...