„ამ ხუმრობა ხუმრობაში, პირველი თვითმფრინავი, რაც ვმართე, ტრამპის ბოინგი იყო“ – დაწრა სოციალურ ქსელში ნანუკa გოგიჩაიშვილმა.

როგორც თავად ნანუკა ამბობს, მისი და ტრამპის გაცნობა კონკურსზე „მის სამყარო“ შედგა. ყველასათვის ცნობილია, რომ ს კონკურსი დონალდ ტრამპს ეკუთვნის.

„ტრამპთან შეხვედრის საშუალება ჩემი “მისობის” პერიოდში მქონდა, ანუ მას მერე, რაც “მის სამყაროზე” აღმოვჩნდი. ეს ხომ ტრამპის კონკურსია. ჰოდა, პირველად ასე გავიცანი… რასაც შემდეგ ასეთი რამ დაემთხვა, – ჩვენი მაშინდელი პრეზიდენტი სააკაშვილი ამერიკაში ტრამპს ხვდებოდა, მასპინძელმა რატომღაც, ერთ-ერთ შეხვედრაზე, ყურადღება ჩემზე შეაჩერა, რაც კამერების თანდასწრებით მოხდა, აიღო კონკურსის ჟურნალი და პრეზიდენტ სააკაშვილს აჩვენა, – ნახე, “მის საქართველო” ჩემს კონკურსზე ლას-ვეგასში მონაწილეობდა, რომელსაც ახლოს ვიცნობო (მაგ პერიოდში დედაჩემი პრეზიდენტის პრესსამსახურში აპარატის უფროსი იყო). სააკაშვილმა ჩემ შესახებ არ იცოდა, რომ გაიგო, ძალიან გაუკვირდა და უთხრა, რომ ნათია, ნანუკას დედა ჩემთან აპარატში მუშაობსო. სხვათა შორის, ამის გაგონება დედაჩემისთვისც მოულოდნელობა იყო…

გავიდა რაღაც პერიოდი და ტრამპი საქართველოში ჩამოვიდა, მეც უკვე საქართველოში ვიყავი. ჰოდა, დამირეკეს და ამის შესახებ მაცნობეს, ასევე მითხრეს, – გიკითხაო. ესეც რომ არ ყოფილიყო, მე, როგორც წინა წლის “მისი” და “მის სამყაროზე” ნამყოფი, ასევე იმ მიმდინარე წლის “მის საქართველო” – ჯანეტ ქერდიყოშვილი იმ შეხვედრაზე უნდა მივსულიყავით, თან, ჯანეტი “მის სამყაროზე” მიემგზავრებოდა…

როცა შეგვხვდა, ისევ უშუალობითა და სითბოთი დაგვამახსოვრა თავი… შემდეგ ბათუმში ჩავედით, “ტრამპ თაუერი” რომ შენდებოდა და იქაც მისი ბოინგით ვიმგზავრეთ. ისე შემხვდა, თითქოს დიდი ხნის მეგობრები ვიყავით. ამბობდა, ნანუკას ვიცნობ, ის ჩემს კონკურსზე ნამყოფიაო… მერე პილოტებთანაც შევედით და შტურვალთანაც მომიწია დაჯდომამ, მაგრამ მაშინ ამისთვის დიდი მნიშვნელობა არ მიმინიჭებია…“ – განაცხადა ნანუკა გოგიჩაიშვილმა Ambebi.ge-სთან მიცემულ ინტერვიუში.

 

 

დატოვეთ კომენტარი

კომენტარები

Загрузка...