აშშ-ის პრეზიდენტი დონალდ ტრამპი 90-ე ოსკარის დაჟილდოებას გამოეხმაურა.

“ისტორიაში ყველაზე დაბალრეიტინგული “ოსკარი”. პრობლემა ისაა რომ თქვენ აღარ გყავთ ვარსკვლავები – თქვენი პრეზიდენტის გარდა (ვხუმრობ რა თქმა უნდა)”- დაწერა ტრამპმა Twitter-ში.

Lowest rated Oscars in HISTORY. Problem is, we don’t have Stars anymore – except your President (just kidding, of course)!

არსებული ინფორმაციით, 2017 წელთან შედარებით, “ოსკარის” დაჯილდოების ცერემონიის პირველი სამი საათის განმავლობაში მაყურებელთა რაოდენობა16%-ით შემცირდა და 22-დან 25 მილიონის ფარგლებში მერყეობს.

2017 წელს კინოსამყაროს ყველაზე მნიშვნელოვან მოვლენას მსოფლიოს მასშტაბით 32.9 მილიონამდე ადამიანი ადევნებდა თვალს. ეს რაოდენობა მაშინ “ოსკარის” ისტორიაში რიგით მეორე დაბალ მაჩვენებლად მიიჩნიეს, ყველაზე მცირე რაოდენობის მაყურებელი ოსკარს 2008 წელს ჰყავდა – 31.8 მილიონამდე ადამიანი.

ყველაზე ყურებადი კი “ოსკარის” დაჯილოდების ცერემონია 2014 წელს იყო. მაშინ მთავარი პრიზისთვის იბრძოდნენ ფილმები: “გრავიტაცია”, “12 წელი მონად” და “დალასის მყიდველთა კლუბი”. ამის შემდეგ “ოსკარის” რეიტინგმა დაცემა დაიწყო.

ოსკარის 90-ე დაჯილდოების ცერემონია 5 მარტს გაიმართა. 

დატოვეთ კომენტარი

კომენტარები

Загрузка...