დონალდ ტრამპმა ჰელოუინის წინა წვეულებაზე ამერიკელი ჟურნალისტების შვილებს ოვალურ კაბინეტში უმასპინძლა. პრეზიდენტმა თეთრი სახლის კორესპონდენტების მცირეწლოვან შვილებს უთხრა, რომ გაოგნებულია, როგორ ჰყავთ ჟურნალისტებს ასეთი კარგი შვილები.

„მიკვირს, როგორ მოახერხეს მედიის წარმომადგენლებმა ასეთი საყვარელი და კარგი შვილების აღზრდა. ჩემთვის ახლაც ამოუცნობია ეს, რა ლამაზები ხართ და კარგები. რას ისწავლით თქვენი მშობლებისგან?! ჯობს, არ მიპასუხოთ, ამან შესაძლოა უხერხულ მდგომარეობაში ჩამაყენოს“, – იხუმრა პრეზიდენტმა ბავშვებთან შეხვედრისას.

საკარნავალო კოსტიუმებში გამოწყობილ ბავშვებს ამერიკის შეერთებული შტატების პრეზიდენტი ტკბილეულით გაუმასპინძლდა.

ორშაბათს თეთრ სახლში ტრადიციული ჰელოუინის წვეულება გაიმართება, სადაც სამხედრო პირებისა და სხადასხვა ორგანიზაციების თანამშრომლების შვილებს დაპატიჟებენ.

შეერთებული შტატების პირველი ლედის, მელანია ტრამპის პრესცენტრის განცხადებაში წერია, რომ ჰელოუინზე თეთრი სახლის კარი ყველა ასაკის მოჩვენებისა და გობლინისთვის გაიღება.

 

დატოვეთ კომენტარი

კომენტარები

Загрузка...