,, ეს ფოტოები უმცირესი ნაწილია იმ დიდი ტრაგედიისა,რაც ახლოში ხდება,  თბილისთან ახლოს.  თუმცა შორსაც რომ ხდებოდეს, არაფერი შეიცვლება (დამოკიდებულებას და ტკივილს ვგულისხმობ). დიახ, ეს ჩვენი ლოდებად დაშლილ-დანაწევრებული ეკლესიებია!ხევში ჩაყრილი ისტორიააო,-მითხრა ნინო აფციაურმა. ფოტოებიც მისი გადაღებულია და მისივე ნებართვით ვდებ . ამ დილით გადმომიგზავნა. უფრო ტრაგიკული ის არის ,რომ ამ ჩუქურთმებიანი ლოდების გაყიდვის საშიშროება არსებობს და სახლის საძირკველში ჩასატანებლად რომ არ იყიდის ვინმე ამას,იმედი მაქვს. ყველა ხვდებით, არ ვუჩივით მტრების სიმცირეს, არც შინ, არც გარეთ!  არ დავიწყებ, სად არის მთავრობა, სად არის საპატრიარქო? სადაც არიან ეს უჩემოდაც იცით. ჯიპებში, კაბინეტებში, ძვირადღირებული სასტუმროების ნომრებში! კაიფია მათთვის თანამდებობები, (სულ ასე იყო, ერთეულების გამოკლებით), ვალდებულება და პასუხისმგებლობა კი არა, კაიფი. ვერ მოიშორეს სახიდან ეს გოიმური, ბედნიერი ღიმილი. ძალიან კარგია, როცა ახალი ტაძრები შენდება, მაგრამ ამათ რა ვუყოთ? ამათ რას ვერჩით?ასწიეთ ჯვრებისგან დამძიმებული კისრები, იქნებ ცოტა შორსაც გაიხედოთ,ხევშიც ჩაიხედოთ,რადგან თუ ტაძარი ირღვევა,სულის დარღვევას რაღა უდგას წინ.

15094351_174000923063698_6988136968231646509_n

.

15094946_174002309730226_4978648508260970135_n

.

15181547_174000419730415_2103571037813647500_n

.

15203199_174000303063760_3502281552751167351_n

მეტს ვერაფერს ვიტყვი, ვერც დავამატებ. მეტის უფლება არც მაქვს იმ ადამიანებისგან, რომლებიც, ვიცი, მალე აპირებენ სათანადო განცხადება გააკეთონ იქ, ,სადაც საჭიროა და მერე ყველა გზით იბრძოლონ ამ უკეთურობის, უყურადღებობის, უპატრონობის წინააღმდეგ!“ _ წერს პოეტი და ჟურნალისტი სოფიკო ტყეშელაშვილი.  

წყარო postalioni.com

დატოვეთ კომენტარი

კომენტარები

Загрузка...