გასულ წელს, გაყიდვების მოცულობით, „ტოიოტას“ მსოფლიო ლიდერობა „ფოლკსვაგენმა“ ჩამოართვა, თუმცა იაპონური ბრენდი ყველაზე გაყიდვადი მსოფლიოს 49 ქვეყანაში იყო და ამ კუთხით გერმანელი კონკურენტი მასთან ახლოსაც ვერ მიდის.

ბრიტანულმა ორგანიზაცია Regtransfers-მა გამოაქვეყნა ქვეყნებში ყველაზე გაყიდვადი ბრენდების მაჩვენებელი ინფოგრაფიკა, რომელზეც „ტოიოტას“ დომინაცია აშკარაა. უმეტესად ასეა ისეთ ქვეყნებში, რომლებიც განვითარების მაღალი დონით არ გამოირჩევიან. თუმცა არის ისეთი გამონაკლისებიც, როგორებიცაა არაბეთის გაერთიანებული საემიროები, სინგაპური, ავსტრალია და სხვა.

Auto Bild

გაყიდვების ლიდერი მხოლოდ 14 ქვეყანაშია „ფოლკსვაგენი“. ეს ძირითადად ევროპული ქვეყნებია. მათ შორის გერმანია, შვეიცარია, ბელგია, ჰოლანდია. „ფორდი“ ჩრდილოეთ ამერიკის ქვეყნებში – აშშ-სა და კანდაში ლიდრობს, სადაც ამას მეტწილად პიკაპ F-150-ის პოპულარობა განაპირობებს. გარდა ამისა, დირბორნელების პროდუქციას ყველაზე ხშირად ბრიტანეთსა და ახალ ზელანდიაშიც ყიდულობენ. “ცისფერი ოვალი” მსოფლიოს რუქაზე მესამე ადგილზეა.

დატოვეთ კომენტარი

კომენტარები

Загрузка...