ავტოსატრანსპორტო საშუალებების სავალდებულო ტექნიკური ინსპექტირება 2018 წლის 1 იანვრიდან დაიწყება და ის ეტაპობრივად განხორციელდება. გაზეთ “რეზონანსის” ცნობით, ავტომობილის ტექდათვალიერებისთვის მომზადება 500-იდან 1000 ლარამდე ეღირება, ზოგიერთ მანქანის შემთხვევაში კი ფასმა შესაძლოა 1500 ლარსაც გადააჭარბოს.

კატალიზატორი, საბურავები, საქარე მინები, სამუხრუჭე სისტემა, ფარები – ეს ავტონაწილების ის მცირე ჩამონათვალია, რაც სავალდებულო ტექდათვალიერებამდე მძღოლს წესრიგში უნდა ჰქონდეს.

“რეზონანსის” ცნობით, საშუალოდ, 2007 წელს ქვემოთ გამოშვებული მანქანის წესრიგში მოსაყვანად ოპტიმალური ხარჯი დაახლოებით 500 ლარი იქნება, მაგრამ თუ ის 20 წელზე მეტი ხნისაა, 1000 ლარი და უფრო მეტიც კი იქნება სჭირო. თუმცა სპეციალისტები ამბობენ, რომ ეს ყველაფერი მანქანის მდგომარეობაზეა დამოკიდებული.

რაც შეეხება ტექდათვალიერების ფასს, ის, დაახლოებით, 60 ლარის ფარგლებში ეღირება. საქართველოში მილიონ 200 ათასი რეგისტრირებული ავტომობილია. უფრო ვრცლად, თუ რა უნდა ვიცოდეთ ტექდათვალიერების შესახებ, იხილეთ სტატია ამ ბმულზე.

imedinews.ge

დატოვეთ კომენტარი

კომენტარები

Загрузка...