ერაყის ქალაქ მოსულში, ტერორისტულ დაჯგუფება “ისლამური სახელმწიფოს” მებრძოლებს ხელფასს აღარ უხდიან. ამის შესახებ გამომცემლობაTelegraph-ი ადგილობრივებზე დაყრდნობით იუწყება.

გამომცემლობის ინფორმაციით, ტერორისტებს ყოველთვიურად ხელფასის სახით 350 დოლარს უხდიდნენ.
ტერორისტების ძირითად შემოსავალს – ნავთობის ინფრასტრუქტურას სერიოზული ზიანი მიადგა, რის გამოც “ისლამური სახელმწიფოს” მებრძოლები ტერორისტული საქმიანობისთვის ფულად ანაზღაურებას ვერ იღებენ.

ტერორისტების შემოსავლის ახალი წყარო ოჯახების ქალაქიდან გაყვანა გახდა.
2014 წელს “ისლამური სახელმწიფოს” მებრძოლების მიერ დაკავებული ერაყის ქალაქ მოსულის გათავისუფლების ოპერაცია 2016 წლის 17 ოქტომბრიდან დაიწყო. ოპერაციაში ჩართულია ერაყის ჯარი, ქურთ ამბოხებულთა აგილობრივი ფორმირებები, ასევე საჰაერო სამხედრო ძალების საერთაშორისო კოალიცია აშშ-ის მეთაურობით.

წყარო pia.ge

დატოვეთ კომენტარი

კომენტარები

Загрузка...