მედიაში დღეს გავრცელებულ ინფორმაციას, ოთარ აბესაძესთან კავშირის შესახებ ჟურნალისტი ლევან კვარაცხელია უარყოფს.
“ზვიად ჩიხლაძეს ოთარ აბესაძის ნომერი გავუგე, სულ ეს იყო, სხვა არაფერ შუაში ვარ”, – ამის შესახებ საზოგადოებრივთან ჟურნალისტმა ლევან კვარაცხელიამ განაცხადა, რითაც უპასუხა მედიაში გავრცელებულ ინფორმაციას, თითქოს, მერიის ყოფილი მაღალჩინოსნის, დაპატიმრებული ოთარ აბესაძის საქმეში კვარაცხელია ფიგურირებს.
როგორც საზოგადოებრივთან კვარაცხელია ამბობს, ის ზვიად ჩიხლაძეს საერთოდ არ იცნობს, აბესაძესთან კი ნაცნობობა აკავშირებს.

“ზვიად ჩიხლაძეს ოთარ აბესაძის ნომერი გავუგე, სულ ეს იყო სხვა არაფერ შუაში ვარ. სხვა ფორმით ამ საქმესთან არანაირი კავშირი მქონია“, – განაცხადა ლევან კვარაცხელიამ.

მერიის ყოფილი მაღალჩინოსანი ოთარ აბესაძე სუს-მა ქრთამის აღების ფაქტზე12 ივლისს დააკავა.
საგამოძიებო მასალების მიხედვით, აბესაძე მოქალაქეებს მერიიდან კაფეს მოწყობისთვის საჭირო ნებართვების სწრაფად გაცემაში დახმარებას დაჰპირდა და სანაცვლოდ 3 000 დოლარი აიღო.

დატოვეთ კომენტარი

კომენტარები

Загрузка...