„სტალინის ნეშტი საქართველოს უნდა გადავცეთ, რუსეთის მოქალაქეები შვებით ამოისუნთქავენ, როდესაც სტალინის სული რუსეთს დატოვებს” – ამის შესახებ ჩეჩნეთის ლიდერმა, რამზან კადიროვმა “ინტერფაქსთან“ განაცხადა.

კადიროვმა აღნიშნა, რომ ლენინი მავზოლეუმში როგორც სახელმწიფო მოღვაწე მოათავსეს და არა როგორც პარტიული ბელადი. ამიტომ, როგორც სსრკ-ის ყოფილი ლიდერი, მიწას უნდა მიაბარონ და საფლავზე მისი ძეგლი აღვმართონ.

„არაერთხელ მითქვამს, რომ ლენინი უნდა დაიმარხოს. თუმცა, მისი მავზოლეუმში ყოფნა ჩემთვის ძალიან მნიშვნელოვანი არაა. მეკითხებიან და ჩემს აზრს გამოვთქვამ,“ – განაცხადა ჩეჩნეთის ლიდერმა.

კადიროვის აზრით, სტალინი საქართველოში უნდა დაიკრძალოს.

„რაც შეეხება სტალინის ნეშტს, კეთილი ნება უნდა გამოვიჩინოთ და ის საქართველოს გადავცეთ, რათა ის სამშობლოში დაკრძალონ. საქართველო საბჭოთა კავშირის ნაწილი იყო, რომელსაც იოსებ სტალინი ხელმძღვანელობდა. ამიტომ, ლოგიკური და სამართლიანი იქნება, თუ საქართველო მას დამარხავს და რუსეთის მილიონობით მოქალაქე კი შვებით ამოისუნთქავს, როდესაც გაიგებს, რომ სტალინის სულმა რუსეთის ტერიტორია დატოვა“, –განაცხადა რამზან კადიროვმა.

sazogadoeba.ge

დატოვეთ კომენტარი

კომენტარები

Загрузка...