ვაშინგტონი, (CNN) ორშაბათს, დღის მეორე ნახევარში, კაპიტოლიუმის ვიზიტორთა ცენტრში სროლების შემდეგ აშშ-ს კაპიტოლიუმის პოლიციამ ეჭვმიტანილ მამაკაცს ესროლა. აშშ-ს კაპიტოლიუმის პოლიციის ოფიცრებიდან არავინ დაშავებულა, თუმცა იქვე მყოფი შემთხვევითი პირი, ქალი დაიჭრა. სენატის თანამშრომლებისთვის გაგზავნილი შეტყობინების მიხედვით, ეჭვმიტანილები ამ დროისთვის არ არიან. „ როგორც ჩანს, ეს ცალკე შემთხვევაა და საზოგადოებას საფრთხე არ ემუქრება“, გამოაქვეყნა ტვიტერში ვაშინგტონის პოლიციის დეპარტამენტმა.
პოლიცია და მეხანძრეები ვიზიტორთა ცენტრის შესასვლელთან არიან, რომელიც ამ კვირაში სავსე იყო ტურისტებით, საგაზაფხულო არდადეგების მქონე ვიზიტორებითა და სკოლის მოსწავლეთა ჯგუფებით. კონგრესის თანამშრომლებს ინსტრუქცია მიეცათ ჩაეკეტათ კარები და გადასულიყვნენ თავშესაფრის ადგილებში, ხოლო ისინი, ვინც კაპიტოლიუმის კომპლექსის გარეთ მოხვდნენ, არეალს მოშორებოდნენ. თეთრი სახლის სპიკერმა პოლ რაიანმა, რომელიც ამჟამად არ იმყოფება ვაშინგტონში, უკვე გააკეთა მოკლე ინფორმაცია ინციდენტთან დაკავშირებით. სენატის უმრავლესობის ლიდერი მიტჩ მაკკონელი ლუისვილში იმყოფება და მისი თანამშრომლები უსაფრთხოდ არიან, განაცხადა მისმა პრეს-სპიკერმა.
თეთრი სახლი ინციდენტის გამო დროებით დაიკეტა.

წყარო: postalioni.com

დატოვეთ კომენტარი

კომენტარები

Загрузка...