სრულიად საქართველოს კათოლიკოს-პატრიარქის უსაფრთხოების სამსახურის უფროსმა, სოსო ოხანაშვილმა დაადასტურა, რომ პატრიარქის დაცვა დროებით გაძლიერდა.

 
“პოსტსკრიპტუმის” პირდაპირ ეთერში ოხანაშვილმა აღნიშნა, რომ საქართველოს კათოლიკოს-პატრიარქის დაცვა რამდენიმე საათით გაძლიერებული იყო და ამაში საქართველოს სახელმწიფო დაცვის სამსახური იყო ჩართული.
მან დაცვის გაძლიერება ბოლო პერიოდში მედიაში გავრცელებულ ინფორმაციებს დაუკავშირა, რომელიც პატრიარქის უსაფრთხოებას ეხებოდა.
სოსო ოხანაშვილმა არც დაადასტურა და არც უარყო ინფორმაცია იმის შესახებ, რომ ის მთავარ პროკურატურაში დაკითხვაზე იმყოფებოდა.
“ახლა ვიმყოფები ბერლინში, ვაგრძელებ ჩემი მოვალეობის შესრულებას, დანარჩენი სხვა არაფერი შემიძლია ამ ეტაპზე გითხრათ”, – განაცხადა სოსო ოხანაშვილმა.
სოციალურ ქსელში ბოლო პერიოდში ვრცელდებოდა ინფორმაცია, რომ სრულიად საქართველოს კათოლიკოს-პატრიარქს საფრთხე ემუქრებოდა. უწმინდესი ახლა გერმანიაში იმყოფება, სადაც მას ხვალ ოპერაცია უნდა ჩაუტარდეს. ილია მეორესთან ერთად იმყოფება პატრიარქის უსაფრთხოების სამსახურის უფროსი სოსოს ოხანაშვილი.
პარალელურად, “რუსთავი 2” ავრცელებს ინფორმაციას, რომ თბილისის საერთაშორისო აეროპორტში, გერმანიაში მიმავალი საპატრიარქოს ქონების მართვის სამსახურის ხელმძღვანელი მამა გიორგი მამალაძე დააკავეს. ფაქტს “პირველტან” საუბარში არ ადასტურებს შინაგან საქმეთა სამინისტრო.

pia.ge

დატოვეთ კომენტარი

კომენტარები

Загрузка...