ერევანი უარყოფს ექსპრემიერის განცხადებას სომხეთში ბირთვული იარაღის არსებობის შესახებ.

სომხეთის ბირთვული უსაფრთხოების რეგულირების სახელმწიფო კომიტეტმა უარყო ქვეყნის ექსპრემიერის გრანტ ბაგრატიანის განცხადება, თითქოს ერევანი ბირთვულ იარაღს ფლობს.

„მსგავსი განცხადებები უსაფუძვლოა“, – ნათქვამია კომიტეტის განცხადებაში, რომელიც Aysor.am-ზე გამოქვეყნდა.

აღნიშნული განცხადება ოფიციალურ სტრუქტურაში მას შემდეგ გააკეთეს, რაც აზერბაიჯანულმა გამოცემა haqqin.az-მა გრანტ ბაგრატიანის ინტერვიუ გამოაქვეყნა, რომელშიც რესპონდენტი ამტკიცებს, რომ სომხეთი ნამდვილად ფლობს ბირთვულ იარაღს.

პოლიტიკოსის თქმით, სომხეთს ბირთვული იარაღი საბჭოთა კავშირიდან მემკვიდრეობით ერგო.

„დიახ, ჩვენ გვაქვს ბირთვული იარაღი და მე ამას ღიად ვაცხადებ“, – თქვა ბაგრატიანმა.

აზერბაიჯანელი ჟურნალისტის კითხვაზე, ასეთი ხმამაღალი განცხადების შემდეგ ხომ არ შიშობს პოლიტიკოსი, რომ სომხეთის წინააღმდეგ, ჩრდილოეთ კორეის მგავსად, სანქციებს შემოიღებენ, ბაგრატიანმა განაცხადა: „სომხეთმა როგორღაც ხომ უნდა დაიცვას თავი აზერბაიჯანისგან“.

სრული ვერსიის ნახვა pia.ge

დატოვეთ კომენტარი

კომენტარები

Загрузка...