“ივანიშვილს ძალიან ბევრი აქვს დასაკარგი, მთელი ეს მკვლელობები და ქურდობები და ქვეყნის ძარცვით ნაშოვი მილიონები. რასაკვირველია ივანიშვილი გააყალბებს არჩევნებს”, – განაცხადა გადაცემა “პირველებში” მაია ორჯონიკიძემ.

ამის შემდეგ მაია ორჯონოკიძესა და კობა დავითაშვილს შორის სტუდიაში სიტყვიერი დაპირისპირება გაიმართა:

კობა დავითაშვილი: “ახია ბატონო ბიძინა თქვენზე, ესენი რომ ლაპარაკობენ ყაჩაღობაზე და მკვლელობაზე”.

მაია ორჯონიკიძე: “უკაცრავად, თქვენ არ ხართ, ქალბატონებს არ ვაწყვეტინებთ?!”

კობა დავითაშვილი: “თქვენ არ ხართ ქალბატონი, ნაცმოძრაობის წარმომადგენელი ხართ”.

მაია ორჯონიკიძე: “მე შეიძლება დავამთავრო?!”

კობა დავითაშვილი: “ვერ დაამთავრებთ, თქვენი დრო ამოიწურა! ისტორიაში თქვენი დრო ამოიწურა და თქვენ ვერასდროს ვერ დაბრუნდებით ხელისუფლებაში. თქვენთვის სიტყვის ამოღება არ შეიძლება, ადამიანების გამაუპატიურებლებო. როგორ ბედავთ ხმის მიღებას. სისხლიანი რეჟიმის პირსისხლიანი წარმომადგენელი ხართ”.

ამ დროს კობა დავითაშვილი წამოდგა და ორჯონიკიძეს მიმართა: “მოგწონთ ჩემი სიარული?! სამჯერ გინდოდათ ჩემი მოკვლა!”

ორჯონიკიძე კი პასუხობს: “თქვენი ტვინის ბრალია! გეყოფათ ეს ისტერია, 90-იან წლებში ხართ ისევ!”

ამის შემდეგ კობა დავითაშვილმა მაია ორჯონიკიძეს სიტყვიერი შეურაცხყოფა მიაყენა და მათ შორის მწვავე დაპირისპირება გაგრძელდა. სტუდიაში წარმოთქმულ არაეთიკურ ფრაზებს ჩვენ შეგნებულად არ ვწერთ. გადაცემის წამყვანები იძულებულები გახდნენ ეთერი შეეწყვიტათ.

წყარო: digest.pia.ge

დატოვეთ კომენტარი

კომენტარები

Загрузка...