პოლიციელი რომელიც ავტომობილს მართვის დროს მღეროდა და თან მობილური ტელეფონით ვიდეოს იღებდა 40 ლარით დაჯარიმდა.

შინაგან საქმეთა სამინისტროში აცხადებენ რომ, მისი დაჯარიმების მიზეზი ღვედის გარეშე მანქანის მართვა გახდა. საქართველოს ადმინისტრაციულ სამართალდარღვევათა კოდექსის 118-ე პრიმა მუხლის თანახმად, ავტოსატრანსპორტო საშუალებით მოძრაობისას მძღოლის ან მის გვერდით მჯდომი მგზავრის მიერ უსაფრთხოების ღვედის გამოუყენებლობა გამოიწვევს ავტოსატრანსპორტო საშუალების მძღოლის დაჯარიმებას 40 ლარით.
ინტერნეტში ასევე გამოხმაურება მოჰყვა იმ ფაქტსაც რომ პოლიციელი საჭეს მართვის დროს მობილურს იყენებდა თუმცა სამინისტროში აღნიშნეს რომ აკრძალვა არ ვრცელდება ისეთ შემთხვევებზე, როდესაც მძღოლი სარგებლობს მობილური კომუნიკაციის საშუალების ყურსასმენით ან მობილური კომუნიკაციის ხმამაღალი (ან დისტანციური) საუბრის ფუნქციით და ორივე ხელი თავისუფალი აქვს სატრანსპორტო საშუალების სამართავად. ამ შემთხვევაში კი მძღოლს მობილური ტელეფონი საქარე მინაზე რეგისტრატორით ჰქონდა დამაგრებული და, შესაბამისად, ჯარიმას არ ექვემდებარება.
ვიდეო ინტერნეტში გამოჩენისთანავე პოპულარული გახდა და აზრთა სხვადასხვაობა გამოიწვია, ნაწილი აღნიშნავდა რომ ეს იყო სახალისო განწყობისთვის გადაღებული, თუმცა ნაწილი კანონდარღვევაზე მიუთითებდა.
წყარო: daijesti.pia.ge

დატოვეთ კომენტარი

კომენტარები

Загрузка...