“კიდევ ერთხელ მინდა გამოვეხმაურო გოგა ხაინდრავას ფილმს ,,heroკრატია“, რომელიც დაფუძნებულია რეალურ ისტორიებზე. უსათუოდ, ფილმი საყურებლად ძალიან მძიმეა, განსაკუთრებით რეპრესირებული ადამიანების ოჯახებისთვის. მერწმუნეთ, რეალობა ბევრად უფრო სასტიკი იყო… ემოციებისგან დაცლილი ვარ, მაგრამ ძალა მოვიკრიბე, რომ მეყურებინა ფილმის ბოლო ოთხი სერიისთვის, სადაც ასახულია ჩემი მეუღლის, სერგო თეთრაძის, უკანონო დაკავება, სადისტური წამება და სიცოცხლის მოსპობა. ნიშანდობლივია, რომ ჩვენება ზუსტად დაემთხვა პერიოდს როცა ეს ტრაგედია დატრიალდა (2011წ 17-23 სექტემბერი).
რა არის, თუ არა უფლის ნება, რომ ხუთი წლისთავზე ტრაგედია კინოფირზე აღბეჭდილიყო. ფილმში ნათლადაა ასახული სერგოს მტკიცე ხასიათი, პატიოსნება, ღირსება, პატრიოტიზმი და გაუტეხავი ბუნება. ბევრჯერ მსმენია ჩემი მეუღლისგან, რომ თუ მოუწევდა კიდევ ერთხელ დაბადება ისევ იგივე ცხოვრებისეულ გზას გაივლიდა. ის მოწოდებით სამხედრო იყო, რაც ეამაყებოდა კიდეც.
მიუხედავად მძიმე წუთებისა, რომლებიც მე ეკრანთან გავატარე მინდა მადლობა გადავუხადო გოგა ხაინდრავას, მთელ გადამღებ ჯგუფსა და მსახიობებს იმისთვის, რომ გაიაზრეს სერგო თეთრაძის გმირობა და პროფესიონალურად მიაწოდეს მაყურებელს.
ვირტუალური სასამართლო შედგა! მაგრამ რეალობაში დღემდე არ არიან დასჯილი სერგოს საქმის ორგანიზატორები და სულის ჩამდგმელები. უფრო მეტიც, ზოგიერთი მათგანი ისევ იკავებს მაღალ თანამდებობეს სხვადასხვა საჯარო უწყებებში.
ჩემთვის სამართალი არ აღმდგარა!”-წერს ნანა თეთრაძე “ფეისბუქის” საკუთარ კედელზე. 

წყარო: postalioni.com

დატოვეთ კომენტარი

კომენტარები

Загрузка...