ჯანდაცვის მინისტრი დავით სერგეენკო ზოგიერთი სახეობის მედიკამენტის ფასებზე რეგულაციების დაწესების აუცილებლობას ხედავს. ინფორმაციას 1tv ავრცელებს.

„წამლებზე მიწვდომადობის გაზრდაზე რამდენიმე ინსტრუმენტი არსებობს, მათ შორის, მოგების რეგულირება, თუმცა, თუ არ გაქვს წვდომა და რეგულირება მწარმოებლის ფასზე, მხოლოდ მოგების ფასის რეგულირებას აზრი არ აქვს. ჩვენ ამაზე გვაქვს მსჯელობა, გვაქვს რამდენიმე ქვეყნის ანალიზი და ვფიქრობ, რომ მივიღებთ იმ გადაწყვეტილებას, რაც იქნება ოპტიმალური ქვეყნის მოსახლეობისთვის“, – განაცხადა ჯანდაცვის მინისტრმა დავით სერგეენკომ.

ფარმაცევტული კომპანიებისთვის მოგების მარჟის შემცირების ინიციატივით 30 ივლისს ჯანდაცვის კომიტეტის თავმჯდომარე აკაკი ზოიძეც გამოვიდა.

ზაფხულიდან პენსიონერები გარკვეული სახის მედიკამენტებს, მათ შორის წნევის მარეგულირებელ წამლებს,  მინიმალურ ფასად შეიძენენ. იგეგმება 23 სახეობის მედიკამენტის რაოდენობის 50-მდე გაზრდაც.

2017 წლის 1 ივლისიდან ეგრეთ წოდებული უფასო წამლების პროგრამა ამოქმედდა. სააფთიაქო ქსელში უკვე 23 დასახელების ასეთი მედიკამენტია.

დატოვეთ კომენტარი

კომენტარები

Загрузка...