ლარი გაუფასურდა და საწვავის ფასმაც მოიმატა. დევალვაცია ნავთობის ბაზარმა მაშინვე იგრძნო. როგორც ბრენდირებულ ისე არაბრენდირებულ სადგურებზე საწვავმა 5 თეთრით მოიმატა.

ავტოგასამართ სადგურებში აცხადებენ, რომ მიუხედავად დიდი მცდელობისა, ძველი ფასების შენარჩუნება უჭირთ. არ არის გამორიცხული, რომ 1 ლიტრი ბენზინის ღირებულებამ 2 ლარს მიაღწიოს და შედარებით იაფი საწვავის ეპოქა სამუდამოდ წარსულს ჩაბარდეს.

ნავთობის ფასი მატულობს საერთაშორისო ბაზარზეც, სადაც ერთი ბარელის ღირებულებამ 59 დოლარს მიაღწია. გაძვირების ტენდენციამ ადგილობრივ ბაზარზეც იქონია გავლენა. ავტოგასამართი სადგურების წარმომადგენლების თქმით, ამ პროცესს ხელი შეუწყო როგორც საერთაშორისო ბაზარზე არსებულმა ვითარებამ, ასევე ლარის კურსის გაუფასურებამ. დღეს “პლატცის” ფასი 1 ტონა დიზელზე 533 დოლარს შეადგენს, ხოლო 1 ტონა ბენზინზე – 572 დოლარს. ეს ნიშნავს, რომ საქართველოში შემოტანილი 1 ლიტრი ბენზინის თვითღირებულება 1,80 ლარია.

დატოვეთ კომენტარი

კომენტარები

Загрузка...