საქართველოს უმეტეს რაიონებში თოვლი და ყინვაა მოსალოდნელი 18 თებერვლის ჩათვლით. სინოპტიკოსები ტემპერატურის -17 გრადუსამდე კლებას პროგნოზირებენ აღმოსავლეთ საქართველოს მთიან და მაღალმთიან რაიონებში.

“პირველს” გარემოს ეროვნული სააგენტოს მონიტორინგის და პროგნოზირების ცენტრის სამმართველოს ხელმძღვანელმა დოდო გვაზავამ განუცხადა, რომ აღმოსავლეთ საქართველოს უმეტეს რაიონში 14 თებერვლამდე ცივი, თოვლიანი ამინდია მოსალოდნელი. ბარში, ღამით 5-დან -7, ზოგან -9 გრადუსამდე ყინვა დაფიქსირდება. ყინვებია მოსალოდნელი მთიან და მაღალმთიან რაიონებში, სადაც ჰაერის ტემპერატურა -9დან -17 გრადუსამდე დაეცემა.
თბილისში ჰაერის ტემპერატურა ღამით 2-დან -3 გრადუსამდე, ხოლო დღისით 0-დან 3 გრადუსამდე მიაღწევს.
სინოპტიკოსის ინფორმაციით, დასავლეთ საქართველოში, მომდევნო დღეებში ტემპერატურის მომატება არ არის მოსალოდნელი, ნალექი 17 თებერვლის ჩათვლით შენარჩუნდება. 14 თებერვლიდან ნალექი თოვლის სახით იქნება და ტემპერატურა დაიკლებს. დაბლობში ჰაერის ტემპერატურა ღამით -2-სა და 0-ს შორის შენარჩუნდება. 15 თებერვლიდან, დაბლობში ღამით ყინვა მოიმატებს და ითოვებს. დღის ტემპერატურა 0+3 ფარგლებში იქნება.
ნალექიანი ამინდები 18 თებერვლის ჩათვლით გაგრძელდება.

PIA.GE

დატოვეთ კომენტარი

კომენტარები

Загрузка...