საქართველოში დახლებზე არსებული სათამაშოების 50% ბავშვებისთვის სახიფათოა. ამის შესახებ სახალხო დამცველმა “უსაფრთხო სათამაშოების” კამპანიის ფარგლებში გამართულ შეხვედრაზე განაცხადა.

ომბუდსმენის თქმით, საბავშვო სათამაშოების კუთხით ქვეყანაში საგანგაშო მდგომარეობაა.
სტრატეგიული კვლევებისა და განვითარების ცენტრის პროგრამის კოორდინატორის ვახტანგ კობალაძის თქმით, ორგანიზაციის მიერ შემოწმებული 44 სათამაშოდან 21 ბავშვისთვის უსაფრთხო არ არის.

“შევამოწმეთ ბაზარზე გავრცელებული იაფი სათამაშოები, რომელიც ყველასთვის ხელმისაწვდომია. 44 სათამაშოდან, 21 უსაფრთხო არ არის. გამოიკვეთა ნორმების გადაჭარბება, ეს სათამაშოები ბავშვებისთვის არის მავნე. კვლევა ყველა პარამეტრზე არ განხორციელებულა, შემოწმდა ფტალატების შემადგენლობა. სამწუხაროდ, არ არსებობს ქვეყანაში ნორმები, რომელიც სათამაშოების ხარისხს დაარეგულირებს და არც მაკონტროლებელია, რომელიც ამას შეამოწმებს. სავალალო მდგომარეობაში ვართ”, – განაცხადა ვახტანგ კობალაძემ.

სახალხო დამცველი მოუწოდებს ხელისუფლებას, გადადგას ქმედითი და ეფექტური ნაბიჯები, რათა ბავშვების სათამაშოები ჯანმრთელობისთვის უსაფრთხო იყოს.

საქართველოში სათამაშოების იმპორტის უდიდესი წილი ჩინეთზე მოდის.

 pia.ge

დატოვეთ კომენტარი

კომენტარები

Загрузка...