20-40 წლის ასაკის ადამიანების სიკვდილის 20-25 % ალკოჰოლის ჭარბად მოხმარებასთან არის დაკავშირებული.

როგორც დაავადებათა კონტროლის ცენტრის არაგადამდებ დაავადებათა დეპარტამენტის ხელმძღვანელმა ლელა სტურუამ „მაესტროს“ ეთერში განაცხადა, გარდა ორგანიზმის პირდაპირი ზიანისა, ალკოჰოლი ხდება ავტოავარიების, ოჯახური ძალადობის და სხვა ტიპის შემთხვევების ერთ-ერთი მთავარი მიზეზი.
„ალკოჰოლთან დაკავშირებული ფაქტებია: ძალადობა, სუიციდი, ავტოავარიები. ახალგაზრდა ადამიანებში, 20-40 წლის ასაკში სიკვდილის 20-25 პროცენტი სწორედ ალკოჰოლთან არის დაკავშირებული და ეს ძირითადად ეხება ალკოჰოლით გამოწვეული ავტოსაგზაო შემთხვევების შედეგად მიღებულ ტრავმებს“,- განაცხადა ლელა სტურუამ.
გარდა ამისა, ალკოჰოლის ინტენსიურად მოხმარება ხშირ შემთხვევაში მძიმე დაავადებების მიზეზიც ხდება. როგორც დაავადებათა კონტროლის ცენტრსი აცხადებენ, ყოველწლიურად მსოფლიოსი ალკოჰოლის მიღების გამო 3,5 მილიონი ადამიანი იღუპება.
დაავადებათა კონტროლის ცენტრში ასევე აცხადებენ, რომ საქართველო ალკოჰოლის ჭარბად მომხარებელ ქვეყნებს შორის ერთ-ერთ მოწინავე ადგილზეა. თუკი ქვეყნების ნაწილში 1 მოქალაქე წელიწადში დაახლოებით 6 ლიტრ ალკოჰოლს მოიხმარს, საქართველოში ამის საშუალო მაჩვენებელი თითქმის ორჯერ მეტია. ასევე პრობლემაა ალკოჰოლის მოხმარების დაწყება ადრეული ასაკიდან.

სრული ვერსიის ნახვა imedinews.ge

დატოვეთ კომენტარი

კომენტარები

Загрузка...