31 აგვისტოს ერთი ჩვეულებრივი საღამო საჯარო ბიბლიოთეკაში ჩატარებულმა  ახალგაზრდა მწერლის, ლუკა ხატიაშვილის საოცარი წინგნის პრეზენტაციამ  ნამდვილად ღირსშესანიშნავი გახადა.  საღამოზე Qronika.ge-ს წარმომადგენლებიც ვიყავით მიპატიჟებულნი.

 

„ადამიანთა ყოფა“ ასე უწოდა ავტორმა თავის ნამუშევარს, რომელშიც  ძალზედ ღრმა ნააზრევი საოცრად ფაქიზად და ოსტატურად გადმოსცა.  რომანმა  დიდი მოწონება დაიმსახურა, რასაც მოწმობდა ბიბლიოთეკის დარბზში შეკრებილი განსხვავებული ასაკის, შეხედულებებისა და პროფესიის მქონე ადამიანთა სიმრავლე.

წიგნის შინაარსიდან და მასში ასახული სიუჟეტებიდან გამომდინარე, მკითხველი ვერასდროს  გამოიცნობს ავტორის ასაკს, ამიტომ ამას  მე გაგიმხელთ. მართალია, ლუკა სრულწლოვანია და ბევრი საკითხის გადასაწყვეტად უკვე 18  წლის გაწონასწორებული, მიზნდასხული ადამიანი გახლავთ, თუმცა,  ისეთი ხარისხიანი რომანის ავტორობისათვის, როგორითაც მან მკითხველი გაანებივრა,  ჯერ მხოლოდ და მხოლოდ 18 წლისაა.   მიუხედავდ ასაკისა, ახალგაზრდა მწერლის  ნაფიქრალს და შეხედულებებს  შუხანსმიტანებული, გამოცდილი და  ცხოვრებაში ბევრი ჭირისა და ლხინის მნახველი ადამიანის ნააზრევისაგან ვერ განასხვავებთ…

წიგნი არა მხოლოდ შინარსობრივად,  ვიზუალურადაც ძალიან საინტერესოდ გამოიყურება. ლუკამ ჩვენთან საუბრისას აღნიშნა, რომ მას თავისი ახლო მეგობარი, თვითნასწავლი მხატვარი,  მარიამ ჩიბურდანიძე დაეხმარა.  „დახმარება მარიამს მე თხოვე, რადგან მის შემოქმედებას ვიცნობ და მოხბლული ვარ მისი ნამუშევრებით, თანაც დავინახე, რომ წიგნის წაკითხვის შემდეგ ის ძალიან ზუსტდ ჩასწვდა ჩემს სათქმელს.  თავიდან მარიამმა უარი თქვა, თავს ვერ გავართმევო მითხრა, მაგრამ მე დარწმუნებული ვიყავი,  შეეძლო ზუსტად აესახა  ფუნჯით ის,  რაც მე კალმით გადმოვეცი.   როდესაც ნახატი მაჩვენა, მივხვდი, რომ ის სრულყოფილი იყო.  მინდა, კიდევ ერთხელ, თქვენი სააგენტოდანაც მადლობა გადავუხადო მარიამს და ყველა იმ ადამიანს, რომელიც მის მსგავსად დამეხმარა წამოწყებული საქმის ხორცშესხმაში“  – განაცხადა ლუკა ხატიაშვილმა.

Qronika.ge ულოცავს საქართველოს, რომ ლუკა მისი შვილია. მწერალს კი შემოქმედებით წინსვლასა და წარმტებებს უსურვებს.

 

 

მარიამ მახნიაშვილი

დატოვეთ კომენტარი

კომენტარები

Загрузка...