საუდის არაბეთში მეფის სასახლესთან სროლისას ორი ადამიანი დაიღუპა. ორივე სასახლის დაცვის წევრები იყვნენ. შემთხვევის შედეგად კიდევ სამი ადამიანი დაიჭრა.

ქვეყნის შინაგან საქმეთა სამინისტროს ცნობით, ჯიდეში მდებარე ალ სალამის სასახლესთან ინციდენტი გვიან ღამით მოხდა, უცნობი პირი მანქანით მიუახლოვდა სასახლის სიახლოვეს მდებარე საკონტროლო გამშვებ პუნქტს და დაცვას ცეცხლი გაუხსნა. საპასუხო სროლისას ბოროტმოქმედი მოკლეს. ის 28 წლის საუდის არაბეთის მოქალაქე მანსურ ალ ამერი აღმოჩნდა. დანაშაულის მოტივი და მომხდარი სხვა დეტალები უცნობია. ცნობილია, რომ ის კალაშნიკოვის ავტომატიდან ისროდა. ასევე დამნაშავეს თან ჰქონდა სამი ბოთლი ე.წ. მოლოტოვის კოქტეილი.

აღსანიშნავია, რომ ამ თავდასხმამდე რამდენიმე დღით ადრე საუდის არაბეთის პოლიციამ ერ რიადში მდებარე რამდენიმე სახლში ჩხრეკა ჩაატარა. სპეცოპერაციის მიზანი „ისლამური სახელმწიფოს“ წევრების დაკავება იყო. რეიდის დროს ორი ადამიანი მოკლეს, ხუთი კი დაკავებულია.

1tv.ge

დატოვეთ კომენტარი

კომენტარები

Загрузка...