ეს ფოტო სოციალურ ქსელში ფეისბუქმომხარებელმა 5 აგვისტოს, ღამით განათავსა. ამ დროს ბორჯომში საშინელი სტიქია რამდენიმე საათის მომხდარი იყო და ხალხს პირველი შოკი, ჯერ კიდევ არ განელებოდა. `ბორჯომს ალბათ 68 წლის წყალდიდობის მერე არ ახსოვს ასეთი მოვლენა, სასჯელია თითქოს,` – ეწერა ფოტოს ერთ-ერთ კომენტარად, თუმცა ამის მერე ვერსად ვიპოვე კითხვა _ კი მაგრამ, რის გამო ვისჯებით ამგვარი ქარიშხალებით, სეტყვითა და ვაიუშველებელითო? როგორც ჩანს, ჩვენს გულებში ყველამ ყველაფერი ვიცით…

ამ უნიკალურ ფოტოზე, რომელზე გამოსახულ ავტომანქანასაც, ასე მგონია, სტიქიის შედეგად მოვარდნილი წყალი პატარა ნაფოტივით შეათამაშებდა და გაურკვეველი მიმართულებით გააქანებდა, პარადოქსულად, სინათლის სხივიც იჭყიტება. მასზე წარღვნა და მოსალოდნელი უბედურებაც  არის აღბეჭდილი და ნათელიც, რომელიც სიხარულისა და სიცოცხლის სიმბოლოა. ფოტოობიქტივის მიერ დაფიქსირებულ საგულისხმო, უნიკალურ კადრს სახელად `ჩვენ არჩევანს`დავარქმევ. ქართველებს ხშირად გვიწევს მსგავს სიტუაციებში ყოფნა, მნიშვნელოვანი ნაბიჯების გადადგმა, სასჯელი კი დანაშაულს მოყვება…

წყარო postalioni.com

დატოვეთ კომენტარი

კომენტარები

Загрузка...