კვება, გართობა, ხედი, ნომრების კეთილმოწყობა, მათ შორის ზომა და სხვა მომსახურეები, სპა და ფიტნეს-ცენტრი, სასტუმროს ხელსაყრელი ადგილმდებარეობა – ეს ის ფაქტორებია, რომლის მიხედვითაც სასტუმროს სტანდარტს ადგენენ და ვარსკვლავებს ანიჭებენ. მსოფლიოს თითქმის ყველა ქვეყანაში სასტუმროები დამოუკიდებლად ფასდებიან, შეფასების პროცეში კი მომსახურების ხარისხს დიდი მნიშვნელობა ენიჭება. მსოფლიოს ზოგიერთი ქვეყანა სასტუმროების კლასიფიკაციას ერთი საჯარო სტანდარტის მიხედვით ახდენს. მაგალითად, ბელგიას, დანიას, საბერძნეთს, იტალიას, მალტას, ნიდერლანდებს, პორტუგალიას, ესპანეთსა და უნგრეთს აქვთ კანონი, რომელიც სასტუმროს ხარისხს განსაზღვრავს. გერმანიაში, ავსტრიასა და შვეიცარიაში სასტუმროს ხარისხს სასტუმროების ინდუსტრიის ასოციაცია განსაზღვრავს და 5-ვარსკვლავიან სისტემას იყენებს. საფრანგეთი 4-ვარსკვლავიან სისტემას იყენებს და ამ ვარსკვლავებს ტურისტების საჯარო საბჭო ადგენს. რაც შეეხება საქართველოს,სატუმროებისა და რესტორნების მეპატრონეები საკუთარ დაწესებულებას ხარისხს თავისივე შეხედულების შესაბამისად ანიჭებენ და მისი კონტროლი არ ხდება.

დატოვეთ კომენტარი

კომენტარები

Загрузка...