თბილისის საქალაქო სასამართლომ წინასწარი შეცნობით, ტერორისტებისათვის და ტერორისტული ორგანიზაციისათვის მომსახურების გაწევის, ტერორისტებისათვისთავშესაფრის მიცემისა და რესურსებით უზრუნველყოფის ბრალდების საქმეზე ზ.გ. და ბ.ჩ. გაამტყუნა.

საქმე ეხება თბილისში ბერი გაბრიელ სალოსის ქუჩაზე მომხდარ ტერორისტულ აქტს, რა დროსაც ტერორისტული ორგანიზაციის წევრებმა ააფეთქეს ხელყუმბარები და ცეცხლსასროლი იარაღებიდან სამართალდამცავების მიმართ გახსნეს ინტენსიური ცეცხლი.

„დახურულ სასამართლო სხდომაზე გამოკვლეული მტკიცებულებებით სასამართლომ დადასტურებულად მიიჩნია ზ.გ.-ს მიერ ბრალად შერაცხული დანაშაულის ჩადენა. სასამართლომ სრულად გაიზიარა ბრალდების მხარის მიერ წარმოდგენილი წერილობითი მტკიცებულებებიც, რომელიც ბრალდებულმა ზ.გ.მ დღევანდელ სხდომაზე უდაოდ ცნო. გამამტყუნებელი განაჩენის საფუძველზე ზ.გ.-ს 13 წლით თავისუფლების აღკვეთა განესაზღვრა. ხოლო ბ. ჩ.-ს აღიარებითი ჩვენების საფუძველზე, სასამართლომ დაამტკიცა მხარეებს შორის მიღწეული საპროცესო შეთანხმება, რომლის საფუძველზეც ბ. ჩ. ცნობილ იქნა დამნაშავედ და სასჯელის სახედ განესაზღვრა თავისუფლების აღკვეთა 8 წლის ვადით, საიდანაც ბრალდებული 3 წელს მოიხდის პენიტენციურ დაწესებულებაში, ხოლო 5 წელი ჩაეთვალა პირობით, 6 წლის გამოსაცდელი ვადით“, – ნათქვამია სასამართლოს განცხადებაში.

ბერი გაბრიელ სალოსის ქუჩაზე ანტიტერორისტული სპეცოპერაცია 2017 წლის 21-22 იანვარს ჩატარდა. შედეგად დააკავეს ერთი ადამიანი –  შუაიფ ბორზიევი, ხოლო წინააღმდეგობის გაწევისას გარდაიცვალა სამი ადამიანი, მათ შორის ერთ-ერთი აჰმედ ჩატაევია.

სუსი აცხადებდა, რომ დეკემბრის სპეცოპერაციისას დაკავებული ადამიანები, 21-22 ნოემბრის სპეცოპერაციის დროს დახოცილ ჯგუფთან ერთად, საქართველოსა და თურქეთში ტერაქტებს გეგმავდნენ. ასევე იგეგმებოდა თავდასხმა საქართველოში მომუშავე დიპლომატიურ კორპუსებზე.

წყარო: imedinews.ge

დატოვეთ კომენტარი

კომენტარები

Загрузка...