ნაკვეთის ან საკუთარი ეზოს შემოღობვა ნამდვილად არ არის იაფი სიამოვნებაა. დღეს ბაზარზე  ღობისთვის მრავალფეროვან მასალას შეხვდებით. ღობე შეიძლება გააკეთოთ ხისგან, რკინისგან, მაღალი სიმკვრივის პენოპლასტისგან, ცემენტისგან, მავთულისგან, ბლოკისგან, აგურისგან და ა.შ., თუმცა არსებობს ბიუჯეტური კონსტრუქცია, რომელსაც სამშენებლო ბადისგან საკუთარი ხელით ააგებთ და რომელიც საიმედოდ შეასრულებს თავის ფუნქციას.

სამშენებლო ბადე, თავისთავად, სამშენებლო ობიექტებზე გამოიყენება. ის მშენებლობის პროცესში უსაფრთხოებას უზრუნველყოფს – მაგალითად, ხელს უშლის სამშენებლო იარაღებისა თუ ნარჩენების ჩამოცვენას დიდი სიმაღლიდან, იცავს მუშებს მზის ულტრაიისფერი სხივებისგან და მტვრისგან, ასევე აქვს ესთეტიკური დანიშნულება – ასეთი ბადით იფუთება მშენებარე ობიექტი…

სამშენებლო ბადე მაღალი გამძლეობის მქონე პოლიმერული ძაფებისგან (პოლიეთილენი, პოლიესთერი, კააპრონი) იქსოვება.
ეს მასალა ატმოსფერული ნალექის ზემოქმედების მიმართ საკმაოდ მდგრადია;
მას ახასიათებს შესანიშნავი ქიმიური ინერტულობა, რაც განაპირობებს მის მდგრადობას ქიმიკატების მიმართ;
ასევე, უძლებს მექანიკურ დაზიანებასაც. ეს მიიღწევა ქსოვის განსაკუთრებული ტექნოლოგიით. ბადე რომც გაიჭრას, არ არსებობს იმის საშიროება, რომ იგი დაირღვევა.
გააჩნია ელექტროსაიზოლაციო თვისებები;
ჰაერგამტარია;
არსებობს ფერების ფართო არჩევანი;
და, რაც ყველაზე საინტერესოა – საკმაოდ ხანმედეგია.

სწორედ ასეთი თვისებებიდან გამომდინარე მოუძებნეს სამშენებლო ბადეს საყოფაცხოვრებო დანიშნულებაც.

ეს მასალა განსაკუთრებით პოპულარობით სარგებლობს მოაგარაკეებში, რომლებიც არჩევანს, დიდწილად, დაბალი ფასის გამოაკეთებენ. მით უფრო, თუ გავითვალისწინებთ, რომ ასეთი ბადე არა მხოლოდ იაფი, არამედ მსუბუქი, რბილი და ელასტიკურია. ანუ მარტივია მისი ტრანსპორტირებაც და მონტაჟიც.

თანაც, სააგარაკე ნაკვეთებში ხშირად არც აქვს აზრი მასიური ღობეების აშენებას. სამშენებლო ბადისგან გამართული ღობე, თუნდაც დროებითი,  დაგიფიქსირებთ თქვენი ნაკვეთის საზღვრებს, ამასთან, იგი საკმაოდ მიმზიდველად და აკურატულადაც გამოიყურება. არც ხისტი კარკასის მონტაჟი დაგჭირდებათ.

ასეთი ბადით ასევე შეგიძლიათ მოაწყოთ ფანჩატური, ღობე სპორტული მოედნისთვის და ა.შ., ამასთან იგი მრავალჯერადად გამოიყენება, მისი დემონტაჟი მარტივია და შეგიძლიათ, შემდეგი ზაფხულისთვის შეინახოთ.

პოლიმერული სამშენებლო ბადე სხვადასხვა სიმჭიდროვის შეგხვდებათ, რასაც განაპირობებს ნაქსოვის თვლების სიდიდე. შესაბამისად კი, ბადეს აქვს სხვადასხვა ხარისხის გამჭვირვალობა.
თვლები კი ასეთი ზომის შეგხვდებათ: მსხვილი (23×34 მმ), საშუალო (13×15 მმ),   უნივერსალური (6×6 მმ),  და წვრილი (5×5 მმ).

რაც უფრო მჭიდრო ნაქსოვია, მით უფრო უკეთ აკავებს მზის სხივებს და ქმნის ჩრდილს – მაგალითად, ფანჩატურისთვის.
თუკი თქვენ მეტი შუქი გჭირდებათ, მაშინ უფრო მსხვილ ნაქსოვზე უნდა გააკეთოთ არჩევანი.

რა დაგჭირდებათ მონტაჟისთვის?
სამშენებლო ბადისგან ღობის მოსაწყობად დაგჭირდებათ:
ა) 15-20 მმ დიამეტრის ბოძები, მაგალითად – პოლიეთილენის მილი. თუ მოგეპოვებათ, რა თქმა უნდა, რკინის მილებიც შეგიძლიათ გამოიყენოთ;  ისინი აუცილებლად უნდა დაფიქსირდეს შემოსაღობი ნაკვეთის კუთხეებში და ასევე მთელს პერიმეტრზე 2-3 მეტრის დაშორებებით;
ბ) ფოლადის ტროსი, რომელიც დაფიქსირებულ ბიძებს შორის უნდა გააბათ, როგორც ძირში, ასევე – თავში, სადაც ღობის სიმაღლე მთავრდება;
გ) სტანდარტული პლასტმასის ხამუთები.

თუკი ამ იდეით დაინტერესდით, აუცილებლად ეწვიეთ ვებგვერდს: http://samsheneblobade.ge/

 

დატოვეთ კომენტარი

კომენტარები