შემომწირველების მადლობელი ვარ, მაგრამ მათ წინაშე არასდროს ვიქნები ვალდებული, – ასე უპასუხა პრეზიდენტობის დამოუკიდებელმა კანდიდატმა სალომე ზურაბიშვილმა კითხვას, გრძნობს თუ არა თავს ვალდებულად მსხვილი შემომწირველების, მათ შორის ბიძინა ივანიშვილის ძმისა და კახა კალაძის წინაშე. ამის შესახებ 1tv წერს.

„მე ყველას საჯაროდ ვთხოვე დახმარება და საარჩევნო კამპანიის დაფინანსება. მიუხედავად იმისა, რომ მოდის მუქარა იმ ადამიანების მამართ, ვინც მეხმარება, დღესაც მინდა ყველას მივმართო, ვისაც რამდენის საშუალება აქვს, აჩვენონ იმ ადამიანებს, რომ მუქარის არავის ეშინია. დაფინანსება შეუძლია ყველას, ჩემი ფონდი არის თავისუფალი. ძალიან მადლობელი ვარ, მაგრამ არა ვალდებული და არასდროს ვიქნები ვალდებული“, – განაცხადა სალომე ზურაბიშვილმა.

სახელმწიფო აუდიტის სამსახურის ინფორმაციით, სალომე ზურაბიშვილის შემწირველთა შორის არიან თბილისის მერი კახა კალაძე, რომელმაც დამოუკიდებელ კანდიდატს 50 000 ლარი შესწირა და ბიძინა ივანიშვილის ძმა, ალექსანდრე ივანიშვილი 45 000 ლარის ოდენობის შეწირულობით.

პრეზიდენტობის დამოუკიდებელმა კანდიდატმა სალომე ზურაბიშვილმა 1-დან 3 ოქტომბრის ჩათვლით შემოწირულების სახით მილიონ ლარზე მეტი მიიღო.

სექტემბერში “ევროპულმა საქართველომ” 91,196 ლარის შემოწირულება მიიღო; “ახალმა საქართველომ” – 35,000 ლარი; დამოუკიდებელმა კანდიდატმა ბესარიონ თედიაშვილმა – 13,000 ლარი; “თავისუფალმა დემოკრატებმა” – 9,700 ლარი; “გირჩმა” – 4,600 ლარი; “თავისუფალი საქართველო” – 1,010 ლარი; “ეროვნული ფორუმი” – 350 ლარი; დამოუკიდებელი კანდიდატი კახაბერ ჭიჭინაძე – 200 ლარი; “ქართლი ოცნება – დემოკრატიული საქართველო” – 20 ლარი.

წყარო: imedinews.ge

დატოვეთ კომენტარი

კომენტარები

Загрузка...