საკაბელო ოპერატორების წარმომადგენლები მარეგულირებელ კომისიასთან აქციას მართავენ. იქ იმ კომპანიის წარმომადგენლები არიან, რომლებმაც ქართულ ტელეარხებთან გადასახადთან დაკავშირებით შეთანხმებას ვერ მიაღწიეს.

დღესვე ცნობილი გახდა, რომ სილქნეტი 6 არხს აღარ გათიშავს და არც აბონენტებს მოუმატებს საფასურს ამ არხების მიწოდებისთვის. ეს გადაწყვეტილება კომპანიამ ცოტა ხნის წინ Facebook-ის საკუთარ ოფიციალურ გვერდზე გამოაქვეყნა.

“გვსურს გაცნობოთ, რომ წარმატებით დასრულდა მოლაპარაკება ქართულ არხებთან. სილქნეტის ქსელში ჩართულ ყველა მომხმარებელს, ფასის უცვლელად შეუნარჩუნდება რუსთავი 2, იმედი, ჯიდიესი, მარაო, მაესტრო და კომედი არხი. ასევე, მოცემულ არხებზე ეტაპობრივად აღდგება გადახვევის სტანდარტული რეჟიმი. მადლობას გიხდით ერთგულებისათვის!“, – წერია კომპანიის მიერ გავრცელებულ განცხადებაში.

“მაგთისატისა” და IP ტელევიზიის აბონენტებს 1 დეკემბრიდან ტარიფი 2 ლარით გაუძვირდებათ.

კომპანიის ინფორმაციით, 6 ქართული ტელეარხის: რუსთავი 2, კომედი არხი, მარაო, იმედი, მაესტრო და ჯი-დი-ესი ერთობლივი მოთხოვნით, აღნიშნული არხების რეტრანსლირება ტრანზიტორი ოპერატორებისთვის ფასიანი ხდება.

ექვსმა არხმა საკაბელო ოპერატორებისგან მათი მაუწყებლობის გავრცელებისთვის თანხა მოითხოვა. დღეს მოქმედი კანონმდებლობით, ტელევიზიებს აქვთ უფლება მოითხოვონ საფასური მათი არხების ტრანსლირებისთვის.

დატოვეთ კომენტარი

კომენტარები

Загрузка...