თბილისში საზოგადოებრივი ტრანსორტის მგზავრობის გაძვირების საკითხი არც კი განიხილება. განცხადებას თბილისის მერიის ტრანსპორტის საქალაქო სამსახური ავრცელებს.

ბოლო დღეების მანძილზე სოციალური ქსელის მეშვეობით ვრცელდებოდა ინფორმაცია, რომ მეტროთი და ავტობუსით მგზავრობა 60%-ით 80 თეთრამდე ვრცელდებოდა, რამაც მომხმარებლების უკმაყოფილება გამოიწვია.

ტრანსპორტის საქალაქო სამსახურის განცხადებაში აღნიშნულია, რომ მერია მოქალაქეთა შეღავათიანი და უფასო მგზავრობის დასაფინანსებლად წელიწადში 60 მილიონ ლარს ხარჯავს. დაბალი ტარიფის შენარჩუნება პრინციპულად მნიშვნელოვანია, თუმცა ავტოპარკის განახლებაც პრიორიტეტად განიხილება.

ამ დროისათვის დედაქალაქს 500-მდე ძველი და 143 ახალი MAN-ის ტიპის ავტობუსი ემსახურება რომელიც ყოველდღიურად 300 000-ზე მეტი მგზავრის გადაადგილებას უზრუნველყოფს, მეტროთი კი უფრო მეტი 400 000-მდე ადამიანი სარგებლობს. მეტროსადგურების რაოდენობა 23-ს შეადგენს 16 პირველ ხაზზე და 7 მეორეზე. მგზავრობის სტანდარტული ტარიფი 50 თეთრს შეადგენს, სტუდენტებისა და პენსიონრებისთვის 20 თეთრს, სოციალურად დაუცვლელებისთვის 10 თეთრს, მოსწავლეებისა და სკოლამდელი ასაკის ბავშვებისთვის კი მგზავრობა უფასოა.

დატოვეთ კომენტარი

კომენტარები

Загрузка...