ფონიჭალაში, ერთ-ერთ საცხოვრებელი კორპუსის ბინაში დედა-შვილი მოკლული იპოვეს. ქალს ყელი აქვს გამოჭრილი, ბავშვი კი დამწვარია. თავდაპირველად მკვლელობის მოტივად ძარცვა დასახელდა, თუმცა ამ დროისთვის შს სამინისტროს განცხადებით, გამოძიება ძარცვის ფაქტს არ განიხილავს. სამართალდამცველების ინფორმაციით ძვირფასეულობა ადგილზეა. მეზობლების თქმით, არაშენდას მესამე კორპუსში მათ კვამლი დაინახეს და კარები შეამტვრიეს. ოთახში დაბლა დაგდებული ნანა რომანაძე ნახეს. როგორც თვითმხილველები ამბობენ, ქალს კისრის არეში რამდენიმე ჭრილობა აქვს მიყენებული, პატარა გოგონა კი დამწვარია. მეზობლების თქმით ოჯახის მეორე ბავშვი სკოლაში იყო და მომხდარის თაობაზე შემდეგ შეიტყო. სამართალდამცველები ამ ეტაპზე მოკლულის ქმარს ჰკითხავენ. საქმე აღძრულია სისხლის სამართლის კოდექსის 109-ე მუხლით, რაც დამამძიმებელ გარემოებებში განზრახ მკვლელობას გულისხმობს.

 

წყარო: postalioni.com

დატოვეთ კომენტარი

კომენტარები

Загрузка...