საერთაშორისო ფონდი “SOS Talents” პარიზში საფორტეპიანო კონცერტს გამართავს. 7 დეკემბერს საახალწლო კონცერტი და საქველმოქმედო მიღება, მე-19 საუკუნის ბონაპარტების ისტორიული სასახლის საკონცერტო დარბაზში გაიმართება.

კონცერტი ცნობილი ქართველი პიანისტის, იუნესკოს მშვიდობის არტისტის – ელისო ბოლქვაძის ინიციატივით და ხელშეწყობით იმართება და მასში 4 ახალგაზრდა ქართველი მუსიკოსი მიიღებს მონაწილეობას. საქართველოდან მონაწილეები არიან – 11 წლის ანაჰიტ სტელმაშოვა – ახალქალაქიდან, 12 წლის ბარბარე ჩხაიძე – ბათუმიდან, 14 წლის – ილია ლომთათიძე თბილისიდან და 14 წლის ბარბარე თათარაძე ასევე თბილისიდან.

კონცერტს დიპლომატიური კორპუსის წარმომადგელნები დაესწრებიან. სტუმრებს შორის იქნებიან ელიზეს კულტურის კაბინეტის წარმომადგენლებიც, რადგან ფონდის შემდეგი წლის კონცერტი პრეზიდენტ მაკრონთან იგეგმება.

ბონაპარტის სასახლეში 200-მდე სტუმარს ელოდებიან.

დატოვეთ კომენტარი

კომენტარები

Загрузка...