ოდესის ყოფილი გუბერნატორის მიხეილ სააკაშვილის აქციების მიზანი უკრაინაში ხელისუფლების დამხობა იყო, – ამის შესახებ უკრაინის გენერალურმა პროკურორმა იური ლუცენკომ განაცხადა, იუწყება უკრაინული 112.ua წერს.

მისი თქმით, მიხეილ სააკაშვილის გუნდს უკრაინის ყოფილი პრეზიდენტის, ვიქტორ იანუკოვიჩის წარმომადგენლები აფინანსებდნენ. კერძოდ, მან დაასახელა გაქცეული ოლიგარქი, სერგეი კუჩენკო.

ლუცენკოს მტკიცებით, აღნიშნული მიზნებისათვის მიხეილ სააკაშვილის გარემოცვამ დაახლოებით 500 ათასი აშშ დოლარი მიიღო.

უკრაინის გენერალური პროკურორის მტკიცებით, ბრალდების მხარეს აუდიო და ვიდეომტკივებულებები აქვს, რომლებიც ლუცენკო კიევში გამართულ ბრიფინგზე გაასაჯაროვა.

მიხეილ სააკაშვილი კიევში დღეს დააკავეს. უკრაინის უსაფრთხოების სამსახურის ოფიციალურ ვებგვერდზე აცხადებენ, რომ სააკაშვილს დანაშაულებრივ დაჯგუფებებთან თანამშრომლობასა და მათი საქმიანობის დაფარვაში ედება ბრალი. გამოძიება პოლიტიკოსის დაკითხვას აპირებს.

სააკაშვილის ადვოკატის, პაველ ბოგომაზოვის თქმით,  ოდესის ყოფილი გუბერნატორი მიხეილ სააკაშვილი უკრაინაში სახელმწიფო გადატრიალების მცდელობის ხელშეწყობაშია ეჭვმიტანილი.

დატოვეთ კომენტარი

კომენტარები

Загрузка...