რუსული სააგენტო Insomni.ru თბილისის შესახებ სტატიას აქვეყნებს.

სტატია იწყება იმით, რომ ახლა საქართველო და თბილისი მოდური ტურისტული მარშრუტებია, რადგან არსებობს წარმოდგენა, რომ აქ კარგი ღვინო, სამზარეულო და ულამაზესი არქიტექტურაა.
“ქართველები დარწმუნებულნი არიან, რომ ისინი ცივილიზაციის აკვანში ცხოვრობენ და ღმერთი მათ ყველაფერ საუკეთესოს ჩუქნის, ასე აღიქვამენ ისინი თავიანთ დედაქალაქსაც”, – წერს სააგენტო.
შემდეგ კი ავტორი საქართველოსა და მისი ტურისტული პოტენციალის აშკარა და შეგნებულ დამცირებაზე გადადის: “იმისთვის ვინც იქ არ გაზრდილა, აუცილებელია ვარდისფერი სათვალე, რომ სიმდაბლე და დეპრესია ვერ შეამჩნიოს”, “ეს აეროპორტიდან იწყება, 2000-იანების სავაჭრო ცენტრები, 90-იანების ოლიგარქების ვილები, “ხრუშოვკები”, ხალხს კი სახეზე უიმედობა აწერია”, – ნათქვამია სტატიაში.
“დღისით თბილისი საბჭოთა ეპოქის მუზეუმს ჰგავს. მეტროში ძველი, მონგრეული ვაგონებია, სოცრეალიზმის ნამდვილი შარმით. აქ არის უზომოდ ბევრი ავტომობილი და მიწისქვეშა გადასასვლელებში უსახლკაროებს სძინავთ. თბილისი არის იმედგაცრუების მანიფესტაცია.”
სააგენტო აუგად იხსენიებს თბილისის მთლიან არქიტექტურას, მაგალითად კი ავლაბარში აშენებული ორი შემინული ლითონის “მილი” მოჰყავს, რომელიც საგამოფენო-საკონცერტო დარბაზად და კინოთეატრად იყო ჩფიქრებული და რომელიც უკვე წლებია “ცარიელდება და ბინძურდება”.
“თბილისი ისე გამოიყურება, როგორც აღმოსავლეთ მოსული “ისლამური სახელმწიფოს” ტერორიდან გათავისუფლების შემდეგ”, – წერია სტატიის ბოლო ნაწილში.

სრული ვერსიის ნახვა info9.ge

დატოვეთ კომენტარი

კომენტარები

Загрузка...