პეტერბურგელი ჟურნალისტი ეკატერინა ნადოლსკაია, ყოფილ არგენტინელ ფეხბურთელ დიეგო მარადონას, სექსუალურ შევიწროებაში ადანაშაულებს. ამის შესახებ გამოცემა kp.ru წერს.

ქალის თქმით, მარადონა მისთვის კაბის გახდას ცდილობდა, როდესაც ისინი სასტუმროს ნომერში მარტო დარჩნენ. როგორ აღმოჩნდა ნადოლსკაია მარადონას ოთახში, არ ხმაურდება, თუმცა “მეხუთე არხის” ვერსიით, ჟურნალისტმა თავად დაიწყო გახდა და როდესაც ყოფილმა ფეხბურთელმა უარი უთხრა, სკანდალი ატეხა.

“მოვიდა მისი თანაშემწე, მესროლა 500 დოლარი და შემდეგ დაცვა გამოიძახეს. ნომრიდან სამმა კაცმა გამომიყვანა, ჩემი ნივთების წამოღების უფლებაც არ მომცეს. როდესაც დილით მოვიდნენ პოლიციელები, კაბა დამიბრუნეს. მე ბოდიში არავინ მომიხადა”, – განაცხადა ნადოლსკაიამ.

ჟურნალისტმა მარადონაზე საგამოძიებო კომიტეტში საჩივარი შეიტანა.

56 წლის მარადონა, რუსეთს “რუსეთს უყვარს ფეხბურთის” მოძრაობის ფარგლებში ესტუმრა, სადაც კონფედერაციის ფინალს დაესწრო. მანამდე, გამოცემა Ole-სთან ინტერვიუში, ლეგენდარულმა ფეხბურთელმა განაცხადა, რომ “პუტინი მისი კუმირია”.

დატოვეთ კომენტარი

კომენტარები

Загрузка...