ინგოროყვას კლინიკის ექიმის, კონსტანტინე მუმლაძის განცხადებით, რუსთაველზე დაჭრილი მოზარდის ოპერაცია დასრულდა და ის ბავშვთა რეანიმაციულ განყოფილებაშია გადაყვანილი. ექიმის ინფორმაციით, მოზარდის სიცოცხლეს საფრთხე არ ემუქრება. ინფორმაციას ipress-ი ავრცელებს.

ინგოროყვას კლინიკის ექიმი აცხადებს, რომ მოზარდი მართვით სუნთქვაზეა.

“მოზარდს ოპერაცია ჩაუტარდა. მდგომარეობა სტაბილურად მძიმეა. ამჟამად იმყოფება მართვით სუნთქვაზე. 4 ჭრილობა აქვს მიყენებული დანით, აქედან 2 არის შემავალი. ჭრილობები მიყენებული აქვს გულ-მკერდის, ბარძაყის და ფილტვის მიდამოებში, სიცოცხლისთვის საშიში არ არის. გადაყვანილია ბავშვთა რეანიმაციულ განყოფილებაში”,- აცხადებს ექიმი.

თბილისში, რუსთაველის გამზირის მიმდებარე ტერიტორიაზე მოზარდი დაჭრეს. მომხდარზე გამოძიება სისხლის სამართლის კოდექსის 19-108-ე მუხლით დაიწყო და ამ დროისთვის ინტენსიური საგამოძიებო მოქმედებები მიმდინარეობს.

დატოვეთ კომენტარი

კომენტარები

Загрузка...