რუსეთის ფედერაციის სუვერენიტეტის უსაფრთხოების კომისია აცხადებს, რომ აშშ და სხვა დასავლური ქვეყნები 2011 წლიდან ცდილობდნენ, რომ ვლადიმერ პუტინისთვის რუსეთის პრეზიდენტად არჩევაში ხელი შეეშალათ. ამის შესახებ წერია კომისიის ანგარიშში, რომელიც რუსეთის საპრეზიდენტო არჩევნებში ჩარევას ეხება.

კომისიის ხელმძღვანელი ანდრეი კლიმოვი აცხადებს, რომ დასავლური ქვეყნები ცდილობდნენ პუტინის დისკრედიტაციას, მისი გუნდის გახლეჩას და ასევე პუტინის იზოლაციაში მოქცევას.

კლიმოვის თქმით, კომისიას რუსეთის არჩევნებში “უცხოური ჩარევის” ათი საქმე აქვთ. ანგარიში ოფიციალურად მაისის ბოლოს გამოქვეყნდება.

2016 წლის დეკემბერში, აშშ-ის სპეცსამსახურებმა მოამზადეს სპეციალური ანგარიში ამერიკულ არჩევნებში რუსეთის ჩარევის შესახებ. რის შემდეგაც, კონგრესის სამმა კომიტეტმა და სპეციალურმა პროკურორმა, FBI-ის ყოფილმა დირექტორმა რობერტ მიულერმა საქმის გამოძიება დაიწყეს.

imedinews.ge

დატოვეთ კომენტარი

კომენტარები

Загрузка...