რუსეთში სიტყვის თავისუფლებაზე შეტევა ინტერნეტის შეზღუდვის მცდელობით გრძელდება. ცოტა ხნის წინ ერთ-ერთი პოპულარული მესენჯერი telegram დაიბლოკა.

ტელეგრამის დამფუძნებელს პაველ დუროვს „რუს ცუკერბერგსაც“ უწოდებდნენ, მან ეს მესენჯერი 2013 წელს შექმნა და 5 წელიწადში თვიურად 200 მილიონ მომხარებელს მიაღწია. მსოფლიო მასშტაბით ბევრი არაა, მაგრამ რეგიონი სერიოზული მაჩვენებელია.

დუროვისა და FCB-ს დაპირისპირება სათავეს 2014 წლიდან იღებს. დუროვის მტკიცებით მას ევრომაიდნის მონაწილეების შესახებ პერსონალური ინფორმაციის მიწოდება მოსთხოვეს. დუროვის უარმა აპლიკაციის პოპულარობა და სანდოობა გაზარდა.

რუსეთის ხელისუფლებამ 2016 LinkedIn-იც დაბლოკა, მაგრამ მაშინ ამ გადაწყვეტილებას განსაკუთრებული გამოხმაურება არ მოჰყოლია, რადგან ეს ქსელი რუსეთში პოლურული არ ყოფილა. ტელეგრამის დაბლოკვას კი უფრო ნეგატიური გამოხმაურება მოჰყვა. გადაწყვეტილებამ პრობლემები ონლაინ გადახდების სფეროშიც შექმნა. დუროვს მხარი ამერიკიდან გაქცეულმა ედუარდ სნოუდენმაც გამოუცხადა, რომელიც რუსეთში პოლიტიკური დევნილის სტატუსით სარგებლობს.

ინტერნეტი ტელევიზია არ არის და მისი სრული გაკონტროლება ძალიან გართულდება. ვლადიმერ პუტინს ჩინური მოდელი მოსწონს, სადაც კონტროლი და ცენზურა საკმაოდ მკაცრია, ამავე დროს ეკონომიკა 6-7 პროცენტით იზრდება. ჩინეთისა და რუსეთის შესაძლებლობებს შორის სხვაობ კი მხოლოდ იზრდება. ჩინეთი წელიწადში 3500 კილომეტრის სიგრძის ჩქაროსნულ რკინიგზას აგებს, რუსეთში მას 10 წელზე მეტი სჭირდება.

რკინიგზის გაყვანა რთულია, მაგრამ ინტერნეტის გაკონტროლება, მისი სრული დაბლოკვის გარეშე კიდევ უფრო რთული. სხვადასხვა საიტზე, სოციალურ ქსელზე წვდომა შესაძლოა კიდევ შეიზღუდოს, მაგრამ როგორც დარგის ექსპერტები განმარტავენ აღნიშნული კრემლისთვის სასურველ შედეგს ვერ მოიტანს და საბოლოო ჯამში რუსეთი ინტერნეტთან ომში დამარცხდება.

m2b

დატოვეთ კომენტარი

კომენტარები

Загрузка...