მოსკოვი „მადესტაბილიზებელ ნაბიჯად“ აღიქვამს ბომბდამშენების B-52 აშშ–დან ევროპაში გადასროლას.

რუსული მედიის ცნობით, ამის შესახებ რუსეთის საგარეო საქმეთა სამინისტროს შეიარაღების კონტროლისა და გაუვრცელებლობის დეპარტამენტის უფროსმა მიხეილ ულიანოვმა განაცხადა.

„ის, რომ რუსეთის საზღვრებთან ნატოს ჯარების გაძლიერება ხდება და ალიანსის სამხედროები სტრატეგიული ბომბდამშენების მხარდაჭერის საბრძოლო ამოცანებს ამუშავებენ, ვერ შეუწყობს ხელს ევროპაში დაძაბულობის განმუხტვას“, – განაცხადა ულიანოვმა.

მისი თქმით, დასავლეთის რიგი ქვეყნების გადაწყვეტილება, რუსეთის საზღვრებთან სამხედრო ძალების მობილიზების შესახებ, საერთაშორისო უსაფრთხოებას აზარალებს ვითარების დესტაბილიზაციას იწვევს.

ხუთშაბათს ცნობილი გახდა, რომ სტრატეგიული ბომბდამშენები B-52H და 800 მფრინავი აშშ–ის ლუიზიანას შტატის ბაზიდან  დიდ ბრიტანეთში გადაისროლეს. დისლოკაციის შეცვლის მიზანს სამხედრო სწავლებებში მონაწილეობა წარმოადგენს, რომელიც ევროპაში ნატოს მოკავშირე ქვეყნების მონაწილეობით გაიმართება. გასულ წელს იგივე კლასის ბომბდამშენები ბალტიისპირეთში ჩატარებულ წვრთნებშიც მონაწილეობდნენ.

digest.ge

დატოვეთ კომენტარი

კომენტარები

Загрузка...