პაპი ფრანცისკეს განცხადებით, ეკლესია გულმოწყალე უნდა იყოს ისეთი დამნაშავეების მიმართაც კი, როგორებიც პედოფილები არიან. როგორც წესი, ასეთ მღვდლებს ეკრძალებათ წირვა-ლოცვების ჩატარება და სხვა საღვთო საქმიანობა. მათ სასჯელის სახით მთელი სიცოცხლე ლოცვა ევალებათ. ამის შესახებ ABC News იუწყება.

რომის პაპმა ვატიკანის კონგრეგაციის რწმენის დოქტრინა, რომელიც მღვდლის ეკლესიიდან მოკვეთას გულისხმობს, რამდენჯერმე გადალახა და პედოფილიაში ბრალდებულ მღვდლებს სასჯელები შეუმსუბუქა.

რომის პაპ ფრანცისკეს გადაწყვეტილება შეეხო იტალიელ მღვდელსაც, რომელიც სასამართლომ 12 წლის მოზარდებთან სექსუალური ხასიათის დანაშაულის გამო გაასამართლა. ამ საქმეში ახალი მტკიცებულებების გაჩენის გამო, იტალიელ მღვდელს ხელმეორედ ელის სასამართლო პროცესი.

ვატიკანის განცხადებით, პაპის მიერ შეწყალებული სასულიერო პირები არ წარმოადგენენ პედოფილიის მსხვერპლი ბავშვებისთვის საშიშროებას და მათ სიცოცხლეს არ აყენებენ რისკის ქვეშ, თუმცა რომის პაპსა და ვატიკანს არ ეთანხმებიან თეოლოგები და იურისტები.

დატოვეთ კომენტარი

კომენტარები

Загрузка...