არ გვაქვს გათიშული და არც ვაპირებთ გათიშვას, გვიჩივლონ, – ამის შესახებ განცხადება საკაბელო ოპერატორის, შპს. “ნიუ კომის” დორეტორმა, ზაზა აგლაძემ, საქართველოს კომუნიკაციების მარეგულირებელ კომიასთან მიმდინარე აქციაზე გააკეთა.

მისივე თქმით, დღეს აქციას მართავს 40-მდე მცირე და საშუალო საკაბელო ოპერატორი, რომელთა ძირითადი მოთხოვნაა მარეგულირებელი კომისიის მიმართ, მისი ფუნქციების შესრულება და ქართულ არხებსა და საკაბელო ოპერატორებს შორის მიმდინარე დავის ისე დაარეგულირება, რომ არცერთი მხარის უფლებები არ დაირღვეს.

საკაბელო ტელევიზიების რამდენიმე წარმომადგენელი კომუნიკაციების ეროვნული კომისიის წევრებს უკვე ხვდებიან. სწორედ ეს იყო კომპანიების მოთხოვნაც კომისიის წინ გამართულ აქციაზე.

კომპანიის ინფორმაციით, 6 ქართული ტელეარხის: რუსთავი 2, კომედი არხი, მარაო, იმედი, მაესტრო და ჯი-დი-ესი ერთობლივი მოთხოვნით, აღნიშნული არხების რეტრანსლირება ტრანზიტორი ოპერატორებისთვის ფასიანი ხდება.

ექვსმა არხმა საკაბელო ოპერატორებისგან მათი მაუწყებლობის გავრცელებისთვის თანხა მოითხოვა. დღეს მოქმედი კანონმდებლობით, ტელევიზიებს აქვთ უფლება მოითხოვონ საფასური მათი არხების ტრანსლირებისთვის.

დატოვეთ კომენტარი

კომენტარები

Загрузка...